Berisha: Qeveria e suksesshme ndaj korrupsionit

Kryeministri Sali Berisha ne nje konference per shtyp sot ne mbremje, duke komentuar raportin e Transparency International, e ka konsideruar si shume te suksesshme strategjine e ndjekur nga qeveria per te luftuar korrupsionin.

Sipas tij, raporti e ka vleresuar Shqiperine si nje nder 10 vendet me te suksesshme ne luften kunder korrupsionit. "TI eshte organizata me prestigjoze ne bote per vleresimin e luftes kunder korrupsionit dhe indeksi i saj eshte indeksi me serioz dhe me i besueshem ne bote qe bazohet ne nje seri vleresimesh", eshte shprehur kryeministri.

Ai deklaroi se qeveria e tij e mori vendin me nje nivel shume te larte te korrupsionit dhe fale strategjise se qeverise, qe kryeministri e cilesoi si shume te suksesshme, Shqiperia arriti te marre ftesen per NATO dhe eshte me afer BE-se.

“Reformat kane dhene rezultate te qarta se ne Shqiperi po ndeshkohet korrupsioni", tha kryeministri. “Shqiperia ka kaluar 20 vende dhe ka lene pas 95 te tjera”, shtoi ai.

Megjithate kryeministri pranoi se korrupsioni nuk eshte zhdukur plotesisht, por theksoi qe qeveria e tij eshte angazhuar ta luftoje deri ne fund kete fenomen. “Une nuk them se nuk ka korrupsion, por ka nje perpjekje te madhe per te luftuar korrupsionin”, theksoi Berisha.

Me pas kryeministri ka reshtuar arritjet e ekzekutivit duke theksuar se gjate ketyre viteve jane rritur pagat dhe pensionet, te ardhurat ne dogana, jane ndertuar shkolla dhe ujesjellesa. Ai falenderoi vendet mike qe kane dhene kontributin e tyre ne kete lufte.

“Falenderoj USAID-in, Banken Boterore, KE-ne per kontributin e dhene”, tha kryeministri. Ai ka falenderuar edhe bashkepunetoret e tij ne qeveri per luften kunder korrupsionit dhe ne vecanti grupin Task Force qe sipas kryeministrit ka qene shume i suksesshem. “Punonjesit e administrates luften kunder korrupsionin e futen ne kodin e punes se tyre te perditshme. Falenderoj Task Forcen e ngritur nga qeveria ne luften kunder zyrtareve te korruptuarve”, theksoi Berisha.

Ai i beri thirrje qytetareve qe te japin ndihmen e tyre “ne kete beteje madhore”. “Luften kunder korrupsionit do ta luftojme me mire kur ta luftojme se bashku”, tha Berisha.

“Te shembim murin e imunitetit”, pohoi ai duke iu referuar nismes se mazhorances per te hequr imunitetin e deputeteve.

“Beteja e korrupsionit do te mbetet beteja ime”, theksoi kryeministri.

Duke folur per ngjarjen e Gerdecit, kryeministri ka deklaruar se nuk ka asnje dokument te besueshem qe e lidh shperthimin me nje trafik te mundshem te armeve.

“Nuk ka asnje dokument qe ta faktoj Gerdecin me Delirolin. Ka nje hetim dhe mendoj se duhet te pritet rezultati i ketij hetimi”, tha kryeministri.