Berisha: Rama, fut PS ne Parlament

Kryeministri Sali Berisha, mbylli dje sesionin e pare te ketij Kuvendi, me urimin qe vitin e ardhshem, opozita te rikthehet ne Parlament. Duke pershendetur punen voluminoze te bere nga deputetet e mazhorances ne kete sesion, kreu i qeverise, nuk ngurroi t'i kerkoje edhe nje here kreut socialist, Edi Rama te lejoje 64 deputetet e Partise Socialiste, te kthehen ne Parlament. "Bej urimet me te mira per opoziten ne kete fundviti dhe vleresoj Partine Socialiste per hapat e medha qe ka bere ne reformimin e saj, ku se fundmi u anetaresua edhe ne PSE, nje zhvillim pozitiv per kete force. Por te deklarosh se e njeh rezultatin e zgjedhjeve por nuk hyn ne Parlament, kjo eshte nje absurditet", theksoi Kryeministri, duke uruar dhe shpresuar qe ne fillim te vitit te ardhshem, socialistet do t'i rikthehen punimeve te Kuvendit. "E garantoj opoziten, se do te kete hapesiren e plote dhe bashkepunim per te kontribuar ne reforma te rendesishme ne procesin e integrimit. Por e theksoj edhe njehere se te bllokosh hyrjen e opozites ne Parlament eshte absurde", vijoi kreu i qeverise. Nga ana tjeter, kryeministri i beri thirrje kryetarit te opozites, Edi Rama, qe te lere menjane barsoletat, se kreu i bashkise nuk ka lidhje me dhenien e lejeve te ndertimit apo se nuk i percakton ai cmimet e trojeve, si dhe te lejoje opoziten te hyje ne Kuvend. "Do t'i kishim hapur 1000 here kutite e votimit per opoziten, por procedurat juridike ne vend nuk e lejojne nje gje te tille. Ne nuk mund te cenojme sovranitetin e vendit",-tha Berisha, duke bere te qarte per te disaten here, se kutite e votimit nuk do te hapen dhe se nuk do te dilet mbi vendimet e dhena nga gjykatat. Ne fjalen e mbajtur ne seancen e fundit plenare per kete sesion, kryeministri Berisha falenderoi te gjithe deputetet e mazhorances per angazhimin e tyre dhe miratimin e nje sere ligjesh te rendesishme per vendin. Sipas tij, Parlamenti mbyll sesionin pas nje pune intensive, nderkohe qe vitin e ardhshem, angazhimi do te jete akoma edhe me i madh. Ne kete kuader, Kreu i qeverise shtoi edhe faktin se ne vitin 2010, parashikohet te behet edhe rritja me e madhe e pagave per punonjesit e administrates si dhe per pensionistet. "Do ta mbyll fjalen time ne kete seance te fundit per kete vit, duke shprehur nje mirenjohje te vertete, per punen e madhe qe keni bere ju. Uroj ju dhe familjet tuaja, Gezuar Krishtlindjet dhe Vitin e Ri dhe ata qe ju votuan per t'ju sjelle ketu, se i perfaqesuat me perkushtim", theksoi kryeministri.