Berisha: Rama kerkon rrezimin e qeverise dhe bllokimin e statusit Eva Gjura

Kurthe meskine dhe ultimatume qe synojne bllokimin e reformave dhe rrezimin e qeverise. Keshtu i ka cilesuar kryeministri Berisha perpjekjet e kryetarit te opozites, Edi Rama, per te bllokuar reformat dhe nepermjet tyre zgjedhjen e Presidentit te Republikes. Kryeministri Berisha ka shfrytezuar foltoren e mbledhjes se grupit parlamentar te PD-se, per te akuzuar kryetarin e PS-se, se po perpiqet te beje gjithcka per te rrezuar qeverine, dhe kete po perpiqet ta beje duke bllokuar si reformen parlamentare dhe reformen zgjedhore duke i lidhur ato me zgjedhjen e presidentit. Kryeministri eshte ndalur ne argumente konkrete ne lidhje me pretendimin e tij ndaj kryesocialistit Rama. Sipas Berishes, Rama ne vend te pergjigjes se letres qe Astrit Patozi i beri Gramoz Rucit, ai nisi editorialin qe do te rrezoje kete qeveri me cdo kusht. "Ne vend te pergjigjes me shkrim, Rama nisi editorialin e radhes, ne te cilin betohet solemnisht se do te rrezoje qeverine me cdo kusht. Sipas tij, rrezimi i qeverise eshte problemi i vetem dhe se zgjedhja e presidentit duhet te jete ne funksion te rrezimit te qeverise. Editoriali erdhi pas nje interviste qe botoi duke i vene emrin e Rucit, sepse ai e perdor kete. Kur do te vere maske politike, perdor Gramoz Rucin", - tha Berisha. Kryeministri ka rikujtuar faktin se Rama kerkon te bllokoje statusin, te cilin e bllokoi per dy vjet, ndersa kerkon takim me te per te bllokuar, jo per te zhbllokuar reformat. Berisha tha se, reforma zgjedhore eshte drejt perfundimit, ai i ka bllokuar ne dy pika: ne elektronike dhe mosbesimin e komisionereve, qe bien ndesh me ODIHR. Gjithashtu Berisha ka akuzuar Ramen se kerkon ndryshimin e Kushtetutes dhe per kundershtimin e heqjes se imunitetit, te cilin e konsideroi nje problem te PS-se. Kreu i mazhorances e ka deklaruar para deputeteve se procesi i perzgjedhjes dhe zgjedhjes se presidentit eshte procesi me serioz dhe me i rendesishem per qytetaret e ketij vendi. "Ne jemi te bindur se procesi me dinjitoz, me serioz, me transparent eshte ai proces qe respekton plotesisht ligjin themelor te shtetit, Kushtetuten. Qendrimi yne eshte dhe do te mbetet kryekeput kushtetues, asgje nuk mund te na spostoje ne nga respekti i plote e total i ligjit themelor te shtetit", - tha Berisha. Duke u ndalur ne kete pike, Berisha i kujtoi demokrateve marreveshjen e shtatorit te 2009 me LSI-ne per sa i takon zgjedhjes se presidentit. Sipas tij, ne kete marreveshje thuhet se presidenti do te zgjidhet mbi bazen e konsensusit PD-LSI, nderkohe qe eshte rene dakord me aleatet gjate takimeve qe pavaresisht kesaj marreveshje te respektohet me vendosmeri Kushtetuta, e cila parashikon zgjedhjen e Presidentit ne 3 raundet e para votimin per Presidentin me 3/5. Duke vleresuar takimet e bera me Meten, Mediun dhe Idrizin, kryeministri tha se gjate bashkebisedimit me ta u konsiderua shume i rendesishem fakti qe per vendin duhet te perzgjidhet ne postin me te larte te shtetit nje person me kredenciale te larta brenda dhe jashte vendit, ndersa i beri apel Rames per t'i dhene vendit nje president te besueshem, i cili di te ngrihet mbi palet, i cili di dhe ka te gjithe integritetin politik per t'iu permbajtur frymes se Kushtetutes si simbol i unitetit te kombit dhe me atdhetarizem te padiskutuar. "T'i japim vendit jo nje president pazaresh, por perkundrazi te vleresoje nje personalitet te besuar me kredenciale te larta. Te punojme se bashku me te gjitha forcat politike te gjejme personin qe do te nderoje, burre apo grua, postin e larte te shtetit", - eshte shprehur kryeministri.

Presidenti, Berisha-Dule sot pritet takimi

Ne vazhden e takimeve dhe diskutimeve paraprake per zgjedhjen e presidentit te ri, kryeministri Berisha pritet te zhvilloje nje takim sot me kryetarin e PBDNJ-se, Vangjel Dule. Takimi i kryeministrit Berisha me kryetarin e PBDNJ-se vjen pas takimeve qe kreu i mazhorances ka bere fundjaven e shkuar me kryetarin e LSI-se, Meta, kryetarin e PR-se, Mediu, dhe kryetarin e PDIU-se, Idrizi. Gjithashtu mazhoranca ka mandatuar kryetarin e grupit te PD-se, Patozin, per te zhvilluar takime me perfaqesuesit e opozites. Takimi i pare ishte me Rucin, por rezultoi i pasuksesshem.