Berisha: "Skenderbej", nje katastrofe
Rozeta Rapushi
Ministri i Puneve Publike, Sokol Olldashi do te perballet serish me kundershtarin e tij, Edi Rama, por kete here jo per nje gare elektorale, por per bashkepunim ne rikonstruksionin e sheshit "Skenderbej". Kryeministri Sali Berisha, kerkoi dje ne mbledhjen e qeverise qe ministri Olldashi, ne bashkepunim me autoritet vendore te Tiranes, te marre masa te menjehershme per rikonstruksionin e sheshit "Skenderbej", duke bere fillimisht planin e asfaltimit te sheshit. "Zoti minister i Puneve Publike, sheshi qendror i shqiptareve, sheshi i heroit te tyre, eshte ne nje gjendje katastrofale. Nuk ka kryeqytet ne bote, me nje shesh si ky i yni. Nje shesh, udhetimi ne te cilin eshte nje udhetim ne horror. Kerkojme me urgjence planin e asfaltimit te sheshit. Nuk munden qe lobe te caktuara, interesa hotelesh te bllokojne sheshin e qytetit", tha kreu i qeverise Berisha. Sipas tij, qeveria do te marre te gjitha pergjegjesite, pasi ndonese fondet per rindertimin e sheshit ekzistojne prej dy vjetesh, gjendja e tij aktuale vijon te jete e turpshme per Tiranen. Duke theksuar se nuk do te kete nderhyrje ne kompetencat e qeverise vendore, kryeministri tha se disa rregullime, jane nevoje emergjente deri ne perzgjedhjen e planit perfundimtar, i cili do ta shnderroje teresisht sheshin "Skenderbej" "Qeveria e Kuvajtit ka dhene 10 milione dollare per sheshin dhe aty, akoma kalohet nga gropa ne grope. Te kalosh nga Xhamia tek hotel "Tirana", do te thote te pershkruash nje rruge teresisht me gropa. Nuk ka qender komune ne Shqiperi, qe te jete ne situaten e qendres se Tiranes, prandaj sa te bejne zgjedhje pas zgjedhjesh ata, ne duhet te shtrojme nje shtrese te mire asfalti. Nuk duhet te turperojme vendin, pasi kushdo qe vjen aty sheh nje shkaterrim", theksoi kryeministri. Ai beri te qarte, se nuk ka ndermend askush t'u marre kompetencat, por nuk mund te tolerohet nje situate diskredituese. Berisha permendi se cdo i huaj qe vjen ne Shqiperi, mendon se bashkise se Tiranes nuk i jepet asnje qindarke, se nuk ka njeri qe mund te mendoje se sheshi lihet me qellim ne ate menyre. "Prandaj, zoti minister, ulu te bisedosh me te. Kur te behet perzgjedhja e planit, pasi po kalohet nga nje plan francez ne planin belg, ne plan zviceran etj, le te behet investimi", kerkoi kreu i qeverise. Berisha tha se fondet prej 10 milione dollaresh jane, vetem per sheshin. Ndaj ai i kerkoi Olldashit qe, qe nga dita e sotme te nise te kontaktoje me ish konkurrentin e tij per postin e kryetarit te bashkise se Tiranes ne vitin 2007, Edi Ramen. "Ka te pakten dy vjet qe parate jane disponibel. Te gjithe fajesojne qeverine, sepse mendojne qe nuk ka dhene fonde. Ne nuk mund ta pranojme me kete shesh me gropa", vijoi kryeministri.