Olldashi: Bashkia e Tiranes nuk ka projekt

Ministri i Puneve Publike, Sokol Olldashi tha dje se bashkia e Tiranes nuk ka asnje projekt per ndertimin e Sheshit "Skenderbej". Vetem pak kohe pasi mori detyren e re per te kontaktuar me pushtetin vendor per kete ceshtje, Olldashi akuzoi se sheshi "Skenderbej", eshte ne nje gjendje te mjerueshme, sepse bashkise, qe drejtohet nga Edi Rama, i mungon projekti nderkohe qe fondet qeveria i ka dhene prej dy vitesh. "Eshte kontraktuar nje fond, 10 milione USD, ndihme e qeverise kuvajtiane qe kur kryeministri i Kuvajtit vizitoi Tiranen, dy vite me pare. Fondi i eshte ofruar bashkise dhe bashkia e ka sorollatur kete ceshtje", tha Olldashi. Sipas tij, eshte Rama ai qe refuzoi ndihmen e qeverise ne vend qe te bashkepunoje per permiresimin e infrastruktures publike ne sherbim te qytetareve. Nderkohe qe po diten e djeshme, nen drejtimin e ministrit Olldashi, u mblodh Grupi Nderistitucional i Punes, per kryerjen e studimit te gjendjes se erozionit detar si dhe percaktimin e masave te mbrojtjes ndaj tij. Studimi i vijes bregdetare do te kryhet nga Velipoja deri ne Narte, ku do te evidentoje gjendjen e vijes bregdetare si dhe tendencat erozive te detit si pasoje e ndryshimeve klimaterike.
Studimi synon te jape masat e nderhyrjeve eventuale afatshkurtra, afatmesme e afatgjata, te cilat mund te ndermerren me qellim frenimin e fenomenit te erozionit detar. Ne te do percaktohet gjithashtu, kostoja financiare e nderhyrjeve ne segmente te caktuara te vijes bregdetare.