Berisha dhe Nishani, pakt antidroge Shqiperi-Rusi Rozeta Rapushi
Shqiperia dhe Rusia angazhohen qe te bashkepunojne ne luften kunder trafikut te paligjshem te lendeve narkotike. Ministri i Brendshem, Bujar Nishani, nenshkroi dje nje marreveshje bashkepunimi me Sherbimin per Kontrollin e Trafikut te Narkotikeve te Federates Ruse, per luften kunder trafikut te paligjshem te lendeve narkotike, substancave psikotrope dhe prekursoreve te tyre. Marreveshja u nenshkrua me Drejtorin e Sherbimit Federal te Kontrollit te Trafikut te Narkotikeve te Rusise, Viktor Ivanov. "Nenshkruajme nje marreveshje, e cila eshte nje shprehje e qarte e vullnetit te perbashket politik per t'u angazhuar ne kete bashkepunim ne luften kunder kesaj sfide te madhe, e cila eshte nje e keqe per jeten dhe shendetin e qytetareve te te dyja vendeve tona, por natyrisht edhe per ceshtje qe kane te bejne me sigurine", tha Ministri Nishani. Sipas tij, kjo marreveshje eshte ne vazhden e bashkepunimit te ngushte qe Shqiperia ka ndertuar me vende te rajonit, te Bashkimit Evropian apo me vende te tjera, fale te cilave sipas tij, vetem tre vitet e fundit jane kryer 31 operacione te perbashketa, me 50 persona te arrestuar. "Ky bashkepunim, i cili edhe me Federaten Ruse nis te konkretizohet pas nenshkrimit te kesaj marreveshjeje, qofte ne aspektet e shkembimit te informacionit per fushen perkatese, qofte ne ate te organizimit dhe planizimit te goditjes te grupeve kriminale, te bashkerendimit te punes se perbashket te agjencive perkatese ne goditjen e kesaj veprimtarie kriminale, besoj se eshte nje kontribut i rendesishem per qytetaret e vendeve tona, per institucionet e vendeve tona", vijoi ministri. Nga ana e tij, Drejtori i Sherbimit per Kontrollin e Trafikut te Narkotikeve ne Rusi, Ivanov shprehu angazhimin per zbatimin me sukses te marreveshjes ne te gjitha aspektet e saj, te forcimit te kuadrit ligjor, shkembimin e pervojave te agjencive te dy vendeve, zhvillimin e trajnimeve te perbashketa dhe te punes se perbashket hetimore per te zbuluar dhe goditur vatrat e kriminalitetit dhe ne vecanti te trafikut te lendeve narkotike. Ivanov u prit edhe nga kryeministri Sali Berisha, i cili e vleresoi marreveshjen si nje baze e rendesishme ligjore per te mundesuar konsolidimin e bashkepunimit ndermjet dy vendeve ne kete fushe. "Qeveria e konsideron prioritet te madh luften kunder droges dhe krimit te organizuar ne teresi, duke vleresuar ne kete kontekst, si shume te rendesishem e te domosdoshem bashkepunimin me partneret nderkombetare", u shpreh kryeministri. Ne takim u vleresua si nje arritje shume e rendesishme fakti qe rruget e drogave te renda, sic eshte heroina, nga Afganistani, jane zhvendosur tashme nga Shqiperia, cka deshmon per suksesin e fushates te luftes me zero tolerance te qeverise shqiptare.