Berisha i tregon OSBE-së hapat për lirinë e medias
Duke e cilësuar median si një nga shtyllat kryesore të demokracisë së një vendi, Berisha theksoi se për të dhe qeverinë e drejtuar prej tij zgjerimi i lirisë së medias është një prioritet kryesor.
Ai nënvizoi faktin se Shqipëria në 20 vite ka bërë hapa të jashtëzakonshme në drejtim të lirisë së medias, duke shtuar se sot në Shqipëri nuk ekziston më censura ndërkohë që sektori i medias ka njohur zhvillim të jashtëzakonshëm qoftë në aspektin sasior edhe në atë cilësor. Kryeministri vlerësoi rolin kritik të medias ndaj punës së qeverisë dhe e cilësoi atë si një element themelor për ecjen përpara.
Kryeministri theksoi që në zbatim të një premtimi elektoral të vitit 2005 është e ndaluar që zyrtarët e administratës të bëjnë kallëzime penale ndaj medias dhe rikonfirmoi angazhimin e tij në ruajtjen e këtij standardi. Në këtë kuadër kryeministri e informoi zonjën Mijatovic për masat e ndërmarra nga qeveria, në konsensus me opozitën, për dekriminalizimin e fyerjes dhe shpifjes dhe rregullimin e tyre në përputhje me standardet ndërkombëtare.
Kryeministri shprehu gatishmërinë për depenalizimin e plotë të këtyre veprave në Kodin Penal. Sipas Kryeministrisë, zonja Mijatovic e vlerësoi si shumë të rëndësishëm vendimin e kryeministrit për ndalimin e kallëzimeve nga zyrtarët e administratës ndaj gazetarëve dhe vlerësoi si një pasojë të rëndësishme të kësaj mase edhe rënien e dukshme të kallëzimeve edhe nga qytetarët e thjeshtë. Ajo gjithashtu vlerësoi masat e ndërmarra nëpërmjet amendimeve të fundit të Kodit Penal për dekriminalizimin e fyerjes dhe shpifjes si hapa shumë të rëndësishëm.
Berisha tha gatishmërinë e plotë për të bashkëpunuar me organizatat e medias në vend dhe me OSBE-në për forcimin dhe konsolidimin e lirisë së medias, si dhe theksoi rëndësinë e forcimit të profesionalizmit dhe të pavarësisë së brendshme të saj si kushte themelore në këtë kuadër. Në takim u diskutua edhe për nevojën për reformim të medias publike si dhe shtrirjen e dixhitalizimit në përputhje me direktivat përkatëse. /Start/
2012-06-05 16:31
Ai nënvizoi faktin se Shqipëria në 20 vite ka bërë hapa të jashtëzakonshme në drejtim të lirisë së medias, duke shtuar se sot në Shqipëri nuk ekziston më censura ndërkohë që sektori i medias ka njohur zhvillim të jashtëzakonshëm qoftë në aspektin sasior edhe në atë cilësor. Kryeministri vlerësoi rolin kritik të medias ndaj punës së qeverisë dhe e cilësoi atë si një element themelor për ecjen përpara.
Kryeministri theksoi që në zbatim të një premtimi elektoral të vitit 2005 është e ndaluar që zyrtarët e administratës të bëjnë kallëzime penale ndaj medias dhe rikonfirmoi angazhimin e tij në ruajtjen e këtij standardi. Në këtë kuadër kryeministri e informoi zonjën Mijatovic për masat e ndërmarra nga qeveria, në konsensus me opozitën, për dekriminalizimin e fyerjes dhe shpifjes dhe rregullimin e tyre në përputhje me standardet ndërkombëtare.
Kryeministri shprehu gatishmërinë për depenalizimin e plotë të këtyre veprave në Kodin Penal. Sipas Kryeministrisë, zonja Mijatovic e vlerësoi si shumë të rëndësishëm vendimin e kryeministrit për ndalimin e kallëzimeve nga zyrtarët e administratës ndaj gazetarëve dhe vlerësoi si një pasojë të rëndësishme të kësaj mase edhe rënien e dukshme të kallëzimeve edhe nga qytetarët e thjeshtë. Ajo gjithashtu vlerësoi masat e ndërmarra nëpërmjet amendimeve të fundit të Kodit Penal për dekriminalizimin e fyerjes dhe shpifjes si hapa shumë të rëndësishëm.
Berisha tha gatishmërinë e plotë për të bashkëpunuar me organizatat e medias në vend dhe me OSBE-në për forcimin dhe konsolidimin e lirisë së medias, si dhe theksoi rëndësinë e forcimit të profesionalizmit dhe të pavarësisë së brendshme të saj si kushte themelore në këtë kuadër. Në takim u diskutua edhe për nevojën për reformim të medias publike si dhe shtrirjen e dixhitalizimit në përputhje me direktivat përkatëse. /Start/
2012-06-05 16:31