Berisha, me kreret boterore per BE dhe vizat
Kryeministri Berisha zhvilloi dje ne Nju Jork, takime te shumta me homologe te tij nga e gjithe bota dhe zyrtare te larte amerikane. Ne pritjen e organizuar nga Presidenti Obama, ai u takua serish me kryeministrin e Japonise, me te cilin diskutoi gjeresisht mbi marredheniet mes dy vendeve. Kryeministri Berisha e ftoi ate te vizitonte Shqiperine, ftese qe u pranua me kenaqesi. Nje tjeter takim gjate kesaj darke, Berisha zhvilloi edhe me keshilltarin per Sigurine Kombetare ne Presidencen "Obama", Gjeneralin James Jones, me te cilin u diskutua mbi marredheniet miqesore mes dy vendeve, si dhe mbi zhvillimet ne Shqiperi. Po keshtu, Berisha u takua me kryeministrin e Holandes Balkenende dhe diskutoi me te, rreth reformave te ndermarra per integrimin e vendit ne BE, duke kerkuar mbeshtetjen e Holandes ne kete proces dhe shprehur bindjen e tij se ky proces duhet bazuar ne meritat dhe performancen e cdo vendi. Gjate kesaj darke, kryeministri Berisha u takua dhe bisedoi mbi Samitin e ardhshem te Kopenhagenit me kryeministrin e Danimarkes si dhe me kryeministrin e Suedise, ku diskutoi gjeresisht mbi procesin e integrimit dhe heqjen e vizave per Shqiperine, duke marre mbeshtetjen e plote te kryeministrit suedez ne kete drejtim. Gjate vizites se tij, Berisha zhvilloi takime dy paleshe, si ai me kryeministrin e Turqise, Rexhep Taip Erdogan, kryeministrin e Kuvajtit, Sheikun Nasser Mohammed al Ajmed al Sabah, ate kroat, Stipe Mesic dhe me Emirin e Katarit Sheikh Hamad bin Khalifa Al Thani.