Berisha ne Danimarke per ngrohjen globale, takimet

Kryeministri Sali Berisha, do te mbaje sot fjalen ne Konferencen e OKB-se per Ndryshimet e Klimes, ne Kopenhagen. Kreu i qeverise, u nis dje per nje vizite zyrtare tre ditore, ne Danimarke per te marre pjese ne kete konference, ku pritet te jepet nje pergjigje, si zgjidhje e ngrohjes ne vazhdimesi te klimes. Gjate qendrimit tre ditore ne Danimarke, Kryeministri Berisha eshte i ftuar ne nje darke qe shtrohet per nder te pjesemarresve nga mbreteresha e Danimarkes, Madheria e Saj Mbreteresha Margrethe II, darke e cila do te mbahet ne Christiansborg Castle, pas ceremonise se prezantimit me Familjen Mbreterore. Gjithashtu, kreu i qeverise, eshte i ftuar edhe ne nje dreke te shtruar nga kryeministri i Danimarkes se bashku me kryetaret e tjere te qeverive dhe delegacioneve pjesemarrese ne kete konference. Gjate ketyre diteve, ai do te zhvilloje nje seri takimesh bilaterale me lidere te rajonit dhe evropiane, si dhe do t'i pergjigjet interesit te mediave me prestigjioze te Danimarkes lidhur me hapat e metejshme te Shqiperise drejt integrimit ne Bashkimin Evropian, zhvillimit ekonomik dhe perspektiven evropiane.