Berisha, rinis inaugurimet nen moton "Shqiperia po ndryshon"

"Shqiperia po ndryshon" i ndermarre nga kryeministri Berisha, perpara zgjedhjeve parlamentare, rifilloi serish dje ndonese kreu i qeverise eshte votebesuar per nje mandat te dyte qeveritar. Ne vazhdim te ketij sllogani, kryetari i qeverise zhvilloi nje vizite ne qytetin e Durresit, per te marre pjese ne ceremonine e fillimit te punimeve per "bypass"-in e ketij qyteti. Ne fjalen e tij kreu i qeverise, deklaroi se ndertimi i ketij "bypass"-i modernizon transportin e kesaj zone, si dhe lehteson trafikun e renduar ne bulevardin e zones se plazhit. "Ky mbikalim modernizon transportin e kesaj zone, si dhe perjashton nga trafiku i rende, bulevardin e zones se plazhit. Me ndertimin e saj, Durresi merr nje veper te re te madhe infrastrukturore", theksoi Berisha gjate perurimit. Por kryeministri deklaroi se, se shpejti qeveria qe ai drejton do te ndertoje edhe unazen e ketij qyteti. Berisha la te kuptohej, se qeveria do te nderhynte ne permiresimin e infrastruktures se cdo qyteti dhe nuk do te linte qe motivet politike, te pengonin ndertimet e reja. "Se shpejti, ne do te inaugurojme unazen e Durresit, sepse nuk mund te konceptojme, se per shkak te dallimeve partiake ne pushtet, te rrime duarkryq para nevojave te qytetareve. Absolutisht, jo", deklaroi ne menyre te prere kryeministri nga Durresi. "Bypass"-i i Durresit, fillon nga mbikalimi i autostrades Tirane-Durres ne Shkozet dhe perfundon ne mbikalimin e plepave. Faza e pare e ndertimit, perfshin trasene e trupit te rruges te "bypass"-it te Durresit, me gjatesi 5 kilometer dhe gjeresi 35.5 meter, me brez te gjelber ndares, trotuare si dhe rruge paralele sherbimi ne te dy anet. Ne kete segment perfshihet edhe ndertimi i kater rrethrrotullimeve, si dhe nenkalimi hekurudhor i Shkozetit.