Berisha shkëlqen në ndeshjen e Horsens kundër Odenses

Besart Berisha arriti të shënonte dy herë në ndeshjen e parë zyrtare me skuadrën e Horsens në kampionatin danez. Sulmuesi i përfaqësueses shqiptare është huazuar tek ky ekip nga Bernli. Dy golat e futbollistit Berisha i dhanë fitoren 2-1 Horsens në përballjen me Odenses këtë të dielë në superligën daneze.

Në këtë takim Besart Berisha ishte padyshim futbollisti më i mirë i fushës, dhë këtë e tregojnë dy golat e shënuar. Goli i parë u shënua në minutën e 49-të. Kundërshtarët patën barazuar në minutën e 72-të, ndërkohë që në të 88-ën Berisha shënon golin e dytë në këtë takim, duke i siguruar trepikëshin ekipit të Horsens.