Berlusconi si Hitleri
Eco ishte duke iu përgjigjur një pyetjeje rreth asaj nëse duhet tërhequr paralele ndërmjet kryeministrit italian dhe Hosni Mubarakut, presidentit të rrëzuar së fundmi të Egjiptit, apo me presidentin e Libisë Muammar Gadaffi.
“Thënë në mënyrë intelektuale, një krahasim mund të bëhet edhe me Hitlerin, i cili gjithashtu u ngrit në pushtet me zgjedhje të lira”, ka thënë Eco, i cili së fundmi ka marrë pjesë në një protestë anti-Berlusconi në Milano.
Siç njofton The Telegraph, autori i romanit “Emri i trëndafilit” ka qenë në Panairin e Librit në Jerusalem kur ishte pyetur rreth refuzimit të romancierit britanik Ian McEwan, për ta bojkotuar ngjarjen për shkak të trajtimit të palestinezëve nga ana e Izraelit.
“Kam shumë për të thënë kundër qeverisë italiane saqë nuk kam kohë të flas për qeverinë e Izraelit”, ka thënë Eco.
“Por Berlusconi nuk është diktator si Mubarak apo Gadaffi sepse ai ka fituar zgjedhjet me mbështetjen e një numri të madh të italianëve”, ka thënë ai.