Berluskoni: Ambrozini do të jetë kapiten i Milanit

Milano - Masimo Ambrozini do të jetë kapiteni i skuadrës së Milanit për sezonet e ardhshme. Këtë e konfirmon presidenti i klubit, Silvio Berluskoni, i cili i konfirmon mesfushorit besimin e plotë të bordit drejtues. Futbollisti i përfaqësueses italiane do të jetë lider në këtë ekip, pas largimit nga futbolli të legjendës Paolo Maldini.

"Pas largimit të Paolos, kapiten i skuadrës së Milanit do të jetë Masimo Ambrosini. Ne presim të nënshkruajmë kontratën e re me të, dhe më pas ai do të jetë lideri i skuadrës sonë”, deklaroi Berluskoni në një dalje publike.

Lidhur me largimet që përfliten, presidenti Berluskoni thekson se përveç Kakasë nuk do të largohet asnjë futbollist tjetër.