Besa mposht Kastriotin, Zhilli braktis krutanet

Besa - Kastrioti 1-0
Shenues: Ishaka 5'
Ka qene nje gol i shpejte i Abdulla Ishaka, ai qe ka vulosur krejt takimin ne Kavaje, duke i dhene Beses tre pike te merituara dhe qe tani e sheh veten ne vendin e trete ne renditjen e pergjithshme. Nderkohe, krutanet po e pesojne me keq sesa sezonin e kaluar. Kastrioti jo vetem qe humbi ne Kavaje me Besen 1-0, por perpara sfides me formacionin e Staroves, klubi krutan humbi dhe presidentin e tij, Shkelzen Zhilli. Ish-bosi i Kastriotit dha doreheqjen e parevokueshme, e dyta e tij ne dy vjet qe drejton ish-skuadren e Vasil Bicit. Bashke me Zhillin dha doreheqjen edhe zevendespresidenti i klubit, Kujtim Baholli. Interesant eshte nje fakt se, nese 45-vjecari Zhilli kampionatin e kaluar duroi per ta dhene doreheqjen ne dy jave perpara perfundimit te sezonit 2006-2007, saktesisht me 11 maj 2007, atehere Kastrioti ndodhej ne vendin e 9-te, tani ish-presidenti e dha 11 jave perpara perfundimit te Kampionatit te 69-te Kombetar te Futbollit, kur serish Kastrioti ndodhej ne vendin e nente (tani ne te dhjetin pas fitores se Teutes me Vllaznine). Zhilli pas disa hezitimesh per te qene ne krye te Kastriotit, u rikthye ne postin e sponsorizuesit me 21 qershor 2007. Largimi i financuesit kryesor te ekipit pa dyshim qe do te sjelle nje krize totale per nje grup lojtaresh, qe nuk kane marre disa paga mujore. Gjate ketij sezoni ne presidencen e Shkelzen Zhillit, Kastriotin e drejtuan Ramazan Ndreu, Vasil Bici dhe serish Ramazan Ndreu. Kastrioti mund te jete skuadra qe do te shoqeroje Skenderbeun ne rrugen drejt Kategorise se Pare.