Disa prej pikave te draft-propozimit per TOB
Urgjente: Teatri duhet te zgjidhe menjehere ceshtjen e drejtorit te Produksionit Skenik, duke sjelle ne ate pozicion nje profesionist te mirefillte, qe mund te filloje pune per realizimin e veprave sipas kalendarit te miratuar.
E rendesishme: Pavaresisht se cfare do te ndodhe me ligjin e ri dhe aktet nenligjore, grupi i punes, i ngritur prane ministrit te TKRS-se, gjykon se duhet te shpallet menjehere thirrja publike per kandidaturen e drejtorit te Pergjithshem te TKOBAP.
Dirigjent/drejtues artistike: Teatri duhet te angazhohet per te gjetur nje dirigjent orkestre te huaj te vleresuar per tregun nderkombetar me nje kontrate 2-3 vjecare.
Repertori/projektet: Teatri ne planifikimi financiar te vitit 2008 duhet te perqendrohet ne krijimin e nje balance mes repertorit dhe projekteve duke rritur numrin e veprave-repertor.
Shperndarja e ofertes kulturore: Duhet te ndertoje nje fryme bashkepunimi me bashkite dhe teatrot e qyteteve kryesore, per te vene ne skenat e tyre disa prej produksioneve te TOB-it.
Po ashtu, pika te tjera qe parashikon drafti jane:
Kontrata e punes
Konkursi i operes shqipe
Mosha e pensionit
Organigrama
Master-Classes
Te drejtat e autorit
Rritja e performances menaxheriale
Bashkepunimi nderkombetar etj
Mister grupi i punes se draftit
Drafti ka ardhur zyrtarisht nga Ministria e Kultures, por nuk eshte i nenshkruar nga nje grup pune hartuesish te tij. Kete thekson nje prej perfaqesuesve te Sindikates se Artisteve, Rudi Sata, i cili pohon: "Ky eshte paradoksi i madh. Na vjen drafti, por pa emra se kush ka punuar per ta hartuar kete draft. Dhe kjo nuk eshte aspak serioze, pasi behet fjale per nje dokument zyrtar, i cili vjen nga Ministria e Kultures, ne varesi te se ciles eshte edhe opera". Ndersa ne draft, ne faqet e para te tij shkruhet: "Grupi i punes prane ministrit te TKRS-se ka punuar ngushtesisht me drejtuesit e institucioneve ne fjale; artiste dhe punonjes te tyre; krijues te lire dhe operatore kulturore, qe veprojne ne vend; perfaqesues te bordeve artistike; anetare te komisionit parlamentar per ceshtjet e kultures, eksperte ligjore etj.
Reforma edhe ne TK e GKA
Kjo eshte nje reforme, e cila do te perfshije te gjitha institucionet artistike kombetare ne Shqiperi, pra jo vetem Teatrin e Operes dhe Baletit, po per te vijuar me Teatrin Kombetar e mandej edhe Galerine Kombetare te Arteve etj. Secili prej ketyre institucioneve ka specifiken e tij, por ajo cka eshte theksuar kahere dhe shpesh edhe nga ministri Ylli Pango, do te kete nje reforme te plote institucionale. Reforme e cila ne thelb te saj, sic theksohet edhe ne draft-propozimin per TOB-in, ka: "Rritjen e performances te institucioneve te varesise". Duke theksuar se: "Institucionet artistike-kulturore ne vend duhet te orientohen drejt menaxhimit te institucionit, duke lene pas logjiken e administrimit te fondeve ekskluzive publike. Gjithcka pasi, institucionet artistike, theksohet ne draft, duhet te kthehen ne qendra atraktive shume-funksionale ku brezat e rinj gjejne vlera, argetim, edukim". Dhe mbi te gjitha: "Institucionet duhet te hapen per profesionistet, krijuesit, qytetaret, median, industrine kulturore, filantropet, diplomacine kulturore, biznesin...".