Besimi: Hekurudhe dhe rruge per tu lidhur me Shqiperine Qamil Xhani

Qeveria maqedonase do te investoje ne projektet infrastrukturore per te shkurtuar distancen mes dy vendeve. Vazhdimi i Rruges se Arberit ne territorin maqedonas, si dhe investimi per rrjetin hekurudhor Shqiperi-Maqedoni, jane dy nga projektet per te cilat ministri i Mbrojtjes se Maqedonise Fatmir Besimi tha se qeveria e vendit te tij do te investoje se shpejti. Deklarata e ministrit te Maqedonise u be dje gjate takimit me kryeministri Sali Berisha. "Ministri Besimi e informoi Kryeministrin Berisha se edhe qeveria maqedonase eshte duke punuar per projektin e segmentit hekurudhor me qellim mundesimin e lidhjes me infrastrukture hekurudhore midis dy vendeve, si edhe ka parashikuar ne programin e saj per kete mandat projekte rrugore per te bere te mundur lidhjen me rrugen e Arbrit, e cila eshte duke u ndertuar ne Shqiperi, duke bere te mundur keshtu qe distanca ndermjet dy kryeqyteteve te shkurtohet. Ne takim u vleresua edhe rendesia jetike e Korridorit 8-te per bashkepunimin midis dy vendeve, por dhe ate rajonal", thuhet ne njoftimin e qeverise per takimin mes kryeministrit dhe ministrit te Mbrojtjes. Ne takimin me delegacionin maqedonas, qe ndodhet per nje vizite zyrtare ne vendin tone, kryeministri Sali Berisha i vleresoi marredheniet mes dy vendeve si shume te mira. Te dyja palet shprehen angazhimin e te dy qeverive e vendeve per te ndertuar infrastrukturen me te mire ligjore dhe rrugore per te zgjeruar e thelluar bashkepunimin ne te gjitha fushat. Nga ana tjeter, Kryeministri Berisha rikonfirmoi mbeshtetjen e plote te Shqiperise per anetaresimin e Maqedonise ne NATO dhe, duke vleresuar faktin qe Maqedonia ka plotesuar kriteret ushtarake dhe te tjera per tu bere vend anetar i Aleances, uroi gjetjen e nje zgjidhjeje midis te dy vendeve fqinje e mike per ceshtjen e emrit, ne menyre qe t'i hapet rruga anetaresimit te plote te Maqedonise ne NATO. Pjese e diskutimeve ne takim kane qene dhe zhvillimet ne rajon, Berisha rishprehu mirenjohjen e tij dhe te qeverise shqiptare per qendrimin qe qeveria maqedonase mbajti ndaj zhvillimeve te fundit ne veri te Kosoves, duke theksuar se respektimi rigoroz i kufijve aktual ne rajon, konsolidimi i shtetit te se drejtes ne te gjithe territorin e Republikes se Kosoves, eshte nje kusht themelor per stabilitet dhe siguri ne rajon, si dhe per luften e suksesshme ndaj krimit e trafiqeve te paligjshme.

Imami: Marredhenie te shkelqyera

Po dje ministri i Maqedonise, Fatmir Besimi ka zhvilluar nje takim dhe me homologun e tij, Arben Imami. Ne takim eshte folur per bashkepunimin mes dy vendeve si ne fushen e emergjencave civile, ashtu edhe ne fushen e sigurise rajonale. Imami u shpreh se gjate ketyre viteve marredheniet mes dy vendeve kane qene te shkelqyera. Ministri Imami u shpreh se bashkepunimi rajonal mes dy vendeve do te jete edhe me i madh. Dy ministrat u angazhuan qe dy vendet te shkembejne pervojat e perbashketa ne lidhje me sigurine rajonale.