Bien nga skela, plagosen 6 punonjes

Te plagosurit ishin te kombesive te ndryshme. Merren ne pyetje drejtuesit e fabrikes
Ardian Bushi
Gjashte punonjes te tre kombesive te ndryshme jane plagosur rende gjate nje aksidenti ne pune ne Fabriken e Cimentos, ne Fushe-Kruje. Renia e nje skele, rreth ores 11.10 te paradites se djeshme, ka bere qe Dunkan Rethoford, 52 vjec, me shtetesi angleze, Llazi Stavenkovski, 55 vjec, me shtetesi maqedonase, Lajfi Jevernat, 27 vjec, me shtetesi jordaneze, Besim Gashi, 37 vjec, me shtetesi maqedonase dhe Ali Sabah, 50 vjec, me shtetesi libaneze, me detyren e pergjegjesit, te dergohen urgjentisht ne Spitalin Ushtarak te Tiranes, ndersa 25-vjecari shqiptar Elidon Arapi, specialist ne kete fabrike, ndodhet nen kujdesin e mjekeve ne spitalin e Fushe-Krujes.
Aksidenti
Burime nga policia vendore bejne te ditur se gjashte punonjesit e aksidentuar ishin impenjuar per riparimin e nje defekti ne oxhakun e furres se fabrikes, qe kishte ndodhur disa dite me pare. Punonjesit e aksidentuar nuk ishin pjese e personelit te Fabrikes se Cimentos, por te nje firme maqedonase qe kishte marre persiper riparimin e defektit. Ata kane filluar pune ne oren 08:00 te mengjesit te djeshem dhe kishin urdher te punonin ne oxhakun e fabrikes, duke ngritur fillimisht skelen.
Ne pune e siper, skela mbajtese eshte thyer, duke rene rreth 30 metra me poshte, mbi tubacionin e fabrikes.
Plagosja
Gjashte personat kane rene nga skela e thyer drejt e ne hinken e oxhakut. Ata kane rreshqitur mbi siperfaqen e oxhakut perreth 30 metra. Ndersa kane perfunduar ne toke, mbi ta kane rene edhe pjeset e drunjta dhe te hekurta te skeles se thyer. Kjo ka bere qe trupat e tyre te pesojne nje goditje te dyte, e cila u ka shkaktuar fraktura ne koke dhe ne trup. Punetoret e tjere kane rendur dhe kane nxjerre nga rrenojat personat e aksidentuar, duke u munduar t'u japin ndihmen e pare ne vendin e ngjarjes. Pese prej te plagosurve jane derguar me urgjence ne Spitalin Ushtarak te Tiranes, duke perdorur autoambulanca te spitalit te Krujes, poliklinikes se qytetit te Fushe-Krujes dhe automjete private.
Hetimet
Pas ngjarjes, Komisariati i Policise se Krujes ka nisur hetimet, ne bashkepunim me Prokurorine e Rrethit te Krujes. Pervec deshmitareve ne vendngjarje, ne pyetje jane marre edhe drejtuesit e Fabrikes se Cimentos, si dhe pergjegjesit e sektorit ku po kryhej riparimi. Gjithashtu, grupi hetimor ka fiksuar provat ne vendngjarje. Nga hetimet e para, sipas burimeve nga policia e Krujes, shkak i aksidentit dyshohet te kete qene shkelja e rregullave te sigurimit teknik nga vete punonjesit e aksidentuar, gjate montimit te skeles. Nje version i dyte eshte ai i shkeputjes se nje mase prej betoni nga oxhaku, qe ka thyer skelen mbajtese. Burime nga grupi hetimor bejne te ditur se te dyja keto pista po shqyrtohen, por eshte ende shpejt per te dhene nje version perfundimtar.