Bisedimet e reja, opozita kerkon llogari

Takimet e fundit te presidentit dhe kryeministrit kosovar me shefin e UNMIK-ut Lamberto Zannier dhe deklarata e perfaqesuesit te Bashkimit Evropian ne Kosove, Peter Faith pro bisedimeve teknike me Serbine, ka shtyre opoziten qe te kerkoje takim me bartesit e institucioneve, ne kete rast me presidentin dhe kryeministrin e Kosoves.

Nenkryetaret e dy partive me te medha parlamentare, AAK dhe AKR, deklaruan se nuk jane te njoftuar rreth asaj qe po ndodh, ndersa kerkojne sqarime edhe per opinionin publik.

“Ne kemi kerkuar dhe rikerkojme nga presidenti qe te njoftohet opinioni dhe subjektet politike per cdo forme te bisedimeve te mundshme. Gjithashtu, presidenti eshte i detyruar nga Kushtetuta qe te takoje lideret e partive per te njoftuar dhe analizuar gjendjen per ceshtjen e bisedimeve te reja mes Kosoves dhe Serbise”, ka deklaruar Ibrahim Makolli, nenkryetar i AKR-se.

Ndersa Ahmet Isufi nga Aleanca per Ardhmerine e Kosoves tha se bisedimet e rrafshit teknik qe nenkuptojne zgjidhjen e ceshtjes se te zhdukurve, kthimin e dokumenteve kadastrale, etj duhet te iniciohen nga Kosova e jo nga bashkesia nderkombetare.

“Jane mbajtur takime me perfaqesuesin e ICO-se Peter Feith, kreun e EULEX Yves de Cermabon dhe ka sinjale se do fillojne bisedime per statusin, te cilat kane perfunduar. Bisedimet te jene teknike, per shume elemente qe lidhin dy shtetet”, ka pohuar Isufi.

Te merkuren presidenti dhe kryeministri i Kosoves kane zhvilluar takime me perfaqesuesit nderkombetar, por pa pranine e mediave. I kontaktuar me telefon zedhenesi i presidentit te Kosoves, Xhavit Beqiri tha se behet fjale per takime te rregullta mes bartesve institucionale vendas dhe atyre nderkombetare.