Bizneset kosovare mbledhin 100 mijë € për Shkodrën

Një delegacion i Odës Ekonomike te Kosovës (OEK) dhe përfaqësues të biznesit, të kryesuar nga kryetari i OEK-ut, Besim Beqaj, udhëtuan sot drejt Tiranës për të dërguar ndihmën financiare prej më shumë se 100 mijë euro, për banorët e prekur nga vërshimet.

Oda Ekonomike e Kosovës dhe përfaqësuesit e biznesit kanë vendosur ditë më parë që me qellim të ndihmës për tejkalimin e pasojave të përmbytjeve në Shqipëri të mbledhin ndihma vullnetare, thuhet në një komunikatë të OKE-së.

“Ftesës së OEK-ut i janë përgjigjur numër i madh i bizneseve, të cilat kanë dhënë ndihmën në shumën prej mbi 100 mijë eurosh”.

Ndihma do t’i dorëzohet udhëheqësit të komisionit ndërministror, ministrit të Punëve të Brendshme të Shqipërisë, Lulzim Basha.