Biznesi i "konsulences", starton edhe ne Shqiperi

Shume kompani te vogla dhe te mesme (SME) nga vendet e Evropes Juglindore kane potenciale te mira per eksport. Rrjeti rajonal i konsulenteve, qe ofron sherbime per rritjen e eksporteve mblidhet ne nje takim sot ne Tirane. Eksperte te ekonomise shprehen, se nje nga faktoret kryesore qe mbeshtet rritjen e eksporteve eshte biznesi i konsulences. Duke iu referuar zhvillimeve aktuale per kete ceshtje, rezulton se sot biznesi i konsulences ne rajon eshte ne zhvillim e siper, por tregjet vendase jane ende te vogla, sidomos per ato fusha specifike te ekspertizes qe nevojiten kur behet fjale per te eksportuar. Sipas eksperteve, shkalla e ulet e organizimit formal te konsulenteve ne keto vende e veshtireson akoma me shume punen e SME-ve per gjetjen e konsulenteve dhe vleresimin e sherbimeve te konsulences si ne tregun vendas, ashtu dhe vendet fqinje. Nga ana tjeter, nenvizojne ata, SME-te ende nuk i konsiderojne sherbimet e konsulences si nje vlere reale per biznesin e tyre. Me qellim rritjen e shkalles se bashkepunimit ndermjet SME-ve dhe konsulenteve, si dhe te konsulenteve ndermjet njeri-tjetrit. Shoqeria gjermane per Bashkepunim Teknik (GTZ) ka ndermarre nje nisme per ngritjen e nje rrjeti rajonal te konsulenteve, qe ofrojne sherbime per rritjen e eksporteve. Ky projekt financohet nga Ministria Federale Gjermane per Bashkepunim Ekonomik dhe Zhvillim (BMZ) dhe po zbatohet ne gjashte vende te Evropes Juglindore (Shqiperi, Bosnje - Hercegovine, Kroaci, Maqedoni, Mal te Zi dhe Serbi) se bashku me institucionet partnere si institucione te nxitjes se eksporteve, shoqata te konsulenteve, dhomat e tregtise, etj.

Partnere zbatues te projektit ne Shqiperi jane; Albinvest, Dhoma e Tregtise dhe industrise Tirane si dhe DM-Consulting. Element qendror i rrjetit eshte portali i internetit www.see-consultancy.net, i cili permban bazen e te dhenave te konsulenteve dhe sherben si nje platforme per shkembim profesional dhe burim informacioni. Pervec konsulenteve, perdorues tipike te portalit jane edhe SME-te qe kerkojne sherbime konsulence. Por edhe agjencite per nxitjen e eksporteve, dhomat e tregtise apo dhe organizma te tjere qeveritare apo joqeveritare, perdorin kete platforme per gjetjen e konsulenteve ne permbushje te objektivave te tyre.