"BlackBerry", mbërrin telefoni inteligjent

"Vodafone Albania" dhe "Research in Motion" kanë bërë të mundur hedhjen në treg, prej dy ditësh, të shërbimit "BlackBerry" në Shqipëri. Ai ofron shërbime që japin mundësinë e aksesit të e-mail-it, kalendarit, web-it, multimedias dhe aplikimeve të tjera të mjedisit të punës dhe të jetës së përditshme nëpërmjet teknologjisë wireless. "Vodafone" vazhdon të udhëheqë zhvillimin e risive në tregun shqiptar, duke u ofruar klientëve përfitimet e komunikimeve të avancuara, produktivitetin dhe lehtësinë e realizuar prej telefonave inteligjentë "BlackBerry". Telefoni i ri është i përbërë nga tre modele: "BlackBerry Curve 8310", "BlackBerry Pearl 8110" dhe "BlackBerry Bold". Të tre këta telefona përfshijnë shërbimin GPS dhe të gjitha shërbimet e tjera të vlerësuar prej përdoruesve të "BlackBerry". "BlackBerry Curve 8310" është një telefon inteligjent, i fuqishëm dhe intuitiv, me një tastierë të plotë QWERTY. Ai ka kapacitete të larta të multimedia-s, si dhe përmban shërbimin e integruar GPS, që mundëson aplikime me bazë lokale, të tilla si ofrimi i hartave dhe navigimi, që e bën telefonin të jashtëzakonshëm si për biznes, ashtu dhe për përdorim personal. "BlackBerry Pearl 8110" është një zgjedhje e shkëlqyer për përdoruesit që dëshirojnë fuqinë e plotë të platformës "BlackBerry" në një aparat të vogël dhe modern. Kurse "BlackBerry Bold" është prodhuar prej materialesh superiore dhe ka kapakun e jashtëm të punuar me nikel satin, ndërsa pjesën e pasme prej lëkure. Ai punon me rrjetet me tre banda të shpejtësisë së lartë HSDPA në të gjithë botën dhe gjithashtu vjen me GSP dhe Wi-Fi të integruar. "Vodafone" u ofron mbi 1310723 klientëve të saj në Shqipëri një gamë të gjerë shërbimesh komunikimi të një cilësie të lartë.