Kriza, ekspertët: Shqipëria po përjeton recesion ekonomik
Të dhënat mbi kreditimin e ekonomisë, të ardhurat fiskale të qeverisë, apo bilancin e tregtisë së jashtme, tregojnë se Shqipëria mund të jetë duke përjetuar sakaq recesion ekonomik, bëhet e ditur nga disa ekspertë të qeverisë dhe bankave. Të dhënat e deritanishme tregojnë se të ardhurat fiskale të qeverisë kanë pësuar një rritje minimale prej 2-3 për qind; kreditimi pothuajse ka ndaluar; ndërsa volumi i tregtisë së jashtme është më i paktë se vitin e kaluar. Të dhëna shumë të rëndësishme këto, që tregojnë për një situatë shumë të vështirë ekonomike.
"Disa ekonomistë të huaj mendojnë se zero është rritja ekonomike sipas skenarit më optimist", shkruante agjencia e lajmeve "Reuters" pak ditë më parë.
FMN vlerësoi në prill se rritja ekonomike për këtë vit do të jetë 0.4 për qind, por qeveria këmbëngul se rritja ekonomike do të jetë 4 për qind. Të dhënat më të fundit ekonomike flasin për një situatë edhe më të keqe se ajo e raportuar në fillim të vitit.
Dy ditë më parë, Banka e Shqipërisë raportoi se në tremujorin e parë të këtij viti ishte praktikisht zero. Më herët qe raportuar se kredia e përgjithshme për ekonominë ishte rritur me 33 për qind në bazë vjetore, por kjo rritje i dedikohet rënies së vlerës së lekut, gjë që e nxjerr artificialisht më të lartë portofolin.
"Në mungesë të ndryshimit të kursit të këmbimit, kredia në total u rrit 2.94 miliardë lekë, ose 0.74 për qind", raportoi BSH. Rritja e kreditimit është një tregues i rëndësishëm për të gjithë rritjen ekonomike. Kjo është hera e parë në një dekadë që kreditimi njeh një rritje kaq të papërfillshme. Nga ana tjetër, transaksionet korrente, pra paratë që kanë hyrë dhe kanë dalë në Shqipëri, kanë rënë me 7 për qind, ku rënia e të ardhurave nga emigrantët ka qenë më e ndjeshmja.
Të ardhurat doganore gjatë katërmujorit të parë të këtij viti shënuan rënie jo vetëm kundrejt planit, por edhe kundrejt vitit të kaluar. Rënia e të ardhurave doganore ndodh për herë të parë që nga viti 1999. Të ardhurat fiskale janë negative edhe te tatimet. Të ardhurat nga Tatimi mbi Vlerën e Shtuar, që mat edhe qarkullimin e mallrave në ekonomi, kanë pasur një rritje shumë pranë zeros në terma nominale.
Vlerësimi paraprak i Prodhimit të Brendshëm Bruto për tremujorin e parë pritet të publikohet nga Instituti i Statistikave në fund të qershorit.
Shpresë te turizmi
Sytë e ekonomistëve tashmë janë drejtuar nga sinjalet që vijnë prej sektorit të turizmit. Sezoni turistik që sapo ka filluar mund të vërë vulën për rënie apo rritje ekonomike, në varësi të numrit të turistëve të huaj që do të mund të tërheqim. Në këtë drejtim, zgjedhjet mund të japin një efekt pozitiv, pasi do të sjellin në vend disa qindra vëzhgues të huaj, të cilët në statistika klasifikohen si "turistë". Sezoni turistik ka filluar në të gjithë bregdetin prej javësh, por deri tani ndonjë fluks i konsiderueshëm turistësh nuk është parë. Shtresa e mesme e shqiptarëve, të cilët përbëjnë klientelën e zakonshme të zonave bregdetare, është e zënë aktualisht me fushatën zgjedhore. Për turistët e huaj, vendi është nën konkurrencë të fortë nga fqinjët, të cilët kanë ulur çmimet për t‘i shpëtuar krizës.
"Disa ekonomistë të huaj mendojnë se zero është rritja ekonomike sipas skenarit më optimist", shkruante agjencia e lajmeve "Reuters" pak ditë më parë.
FMN vlerësoi në prill se rritja ekonomike për këtë vit do të jetë 0.4 për qind, por qeveria këmbëngul se rritja ekonomike do të jetë 4 për qind. Të dhënat më të fundit ekonomike flasin për një situatë edhe më të keqe se ajo e raportuar në fillim të vitit.
Dy ditë më parë, Banka e Shqipërisë raportoi se në tremujorin e parë të këtij viti ishte praktikisht zero. Më herët qe raportuar se kredia e përgjithshme për ekonominë ishte rritur me 33 për qind në bazë vjetore, por kjo rritje i dedikohet rënies së vlerës së lekut, gjë që e nxjerr artificialisht më të lartë portofolin.
"Në mungesë të ndryshimit të kursit të këmbimit, kredia në total u rrit 2.94 miliardë lekë, ose 0.74 për qind", raportoi BSH. Rritja e kreditimit është një tregues i rëndësishëm për të gjithë rritjen ekonomike. Kjo është hera e parë në një dekadë që kreditimi njeh një rritje kaq të papërfillshme. Nga ana tjetër, transaksionet korrente, pra paratë që kanë hyrë dhe kanë dalë në Shqipëri, kanë rënë me 7 për qind, ku rënia e të ardhurave nga emigrantët ka qenë më e ndjeshmja.
Të ardhurat doganore gjatë katërmujorit të parë të këtij viti shënuan rënie jo vetëm kundrejt planit, por edhe kundrejt vitit të kaluar. Rënia e të ardhurave doganore ndodh për herë të parë që nga viti 1999. Të ardhurat fiskale janë negative edhe te tatimet. Të ardhurat nga Tatimi mbi Vlerën e Shtuar, që mat edhe qarkullimin e mallrave në ekonomi, kanë pasur një rritje shumë pranë zeros në terma nominale.
Vlerësimi paraprak i Prodhimit të Brendshëm Bruto për tremujorin e parë pritet të publikohet nga Instituti i Statistikave në fund të qershorit.
Shpresë te turizmi
Sytë e ekonomistëve tashmë janë drejtuar nga sinjalet që vijnë prej sektorit të turizmit. Sezoni turistik që sapo ka filluar mund të vërë vulën për rënie apo rritje ekonomike, në varësi të numrit të turistëve të huaj që do të mund të tërheqim. Në këtë drejtim, zgjedhjet mund të japin një efekt pozitiv, pasi do të sjellin në vend disa qindra vëzhgues të huaj, të cilët në statistika klasifikohen si "turistë". Sezoni turistik ka filluar në të gjithë bregdetin prej javësh, por deri tani ndonjë fluks i konsiderueshëm turistësh nuk është parë. Shtresa e mesme e shqiptarëve, të cilët përbëjnë klientelën e zakonshme të zonave bregdetare, është e zënë aktualisht me fushatën zgjedhore. Për turistët e huaj, vendi është nën konkurrencë të fortë nga fqinjët, të cilët kanë ulur çmimet për t‘i shpëtuar krizës.