Blanc, në radarin e Chelseas

Selektori i Francës, Laurent Blanc është duke u konsideruar nga pronari i Chelseas, Roman Abramovich si pasardhës i përhershëm i Andre Villas-Boasit.

Edhe pse Roberto Di Matteo ka bërë punë të shkëlqyeshme pas zëvendësimit të Villas-Boasit, mediet angleze raportojnë se Abramovich mendon të sjell Blancun në Stamford Bridge.

Triumfi në Ligën e Kampionëve, për herë të parë në histori të klubit do ti dhuronte Di Matteos mundësinë për të mbajtur pozitën, por Blanc konsiderohet si kandidat serioz për të udhëhequr gjigantin londinez.