Blindohet Brazili, mediat kundër Dungës

Ftohen marrëdhëniet ndërmjet Karlos Dungës dhe mediave braziliane. Trajneri ka “blinduar” grumbullimin e përfaqësueses, duke vështirësuar hyrjen e gazetarëve dhe të telekamerave. Sipas tij “e gjithë rrëmuja që u krijua rreth skuadrës, i kushtoi ‘seleçaos’ Kupën e Botës përpara 4 viteve. Në atë periudhë unë nuk isha, por nuk mund të lejoj që tani të përsëritet i njëjti gabim”. Vendimi i Dungës bëri që gazetarët të protestonin hapur, ndërsa e njëjta situatë pritet të krijohet edhe në Afrikën e Jugut.