"Bllokada politike, pengon integrimin e Shqiperise ne BE"

Shqiperia duhet te rigjeje konsensusin politik per te ecur drejt anetaresimit ne Bashkimin Evropian. Nderkohe qe vleresohet per zbatimin e kritereve te levizjes se lire me te gjitha vendet Shengen qe nga 15 dhjetori i vitit te kaluar deri me sot. Keshtu u shpreh dje, ambasadorja gjermane ne vendin tone, Carola Mueller Holtkemper. Ne nje interviste te dhene per "Deutche Welle", ambasadorja gjermane, thekson se funksionaliteti i Parlamentit eshte nje kriter i rendesishem politik ne rrugen e Shqiperise drejt Bashkimit Evropian. Per kete arsye, sipas saj, bllokada politike qe zgjat prej afer nje viti e gjysme eshte nje prej shkaqeve kryesore, pse Komisioni Evropian ne raportin e fundit te progresit nuk e rekomandoi dhenien e statusit te vendit kandidat. Ndaj, Carola Mueller Holtkemper, kerkoi para se gjithash, se eshte ne interes te popullit shqiptar qe te dy kampet politike te arrijne ne nje zgjidhje kompromisi. Nga ana tjeter, duke komentuar procesin e levizjes se lire, ambasadorja gjermane tha se qeveria shqiptare ka realizuar nje fushate informimi disa jave perpara se te merrej vendimi per liberalizimin e vizave. Duke shtuar, se per te vleresuar faktin nese kjo liri udhetimi pa viza eshte keqperdorur apo jo, eshte ende heret. "Ne gjithsesi, konstatojme se pas diteve te festave ka pasur nje vale te fuqishme te udhetimeve ne kthim. Mundesia per te udhetuar pa viza ne zonen Shengen, vleresohet prej nesh shume pozitivisht", u shpreh ambasadorja.
Prej disa javesh ka nisur zbatimi i procesit te liberalizmit te vizave per qytetaret shqiptare, qe i drejtohen zones Shengen te BE-se. Nisur nga ajo qe ka ndodhur nje vit me pare me qytetaret nga Serbia dhe Ish-Republika Jugosllave e Maqedonise, a mendoni se ka vend ende per mosbesim se kjo liri udhetimi do te shfrytezohet dhe per punesim, qendrim afatgjate ose azilim nga qytetaret shqiptare?
Deshiroj te them paraprakisht se liberalizimi i vizave eshte nje sukses i madh per Shqiperine. Suksesi i Shqiperise ne kete rast tregon dy aspekte. Kur ka bashkim te forcave, Shqiperia mund te arrije vertet progres te konsiderueshem. Bashkimi Evropian i qendron fjales se dhene. Po t'i kthehemi pyetjes suaj, nisur nga pervojat e deritanishme me vendet e tjera te Ballkanit Perendimor, ka qene nje prej kushteve qe Shqiperia te mund te sqaroje dhe te informoje popullaten nepermjet nje fushate informimi, mbi detyrimet qe rezultojne nga kuadri ligjor, per nje udhetim pa viza ne hapesiren e vendeve Shengen. Sikurse eshte rene dakord, qeveria shqiptare ka realizuar nje fushate te tille informimi disa jave perpara se te merrej vendimi per liberalizimin e vizave. Per te vleresuar faktin, nese kjo liri udhetimi pa viza eshte keqperdorur apo jo, eshte ende heret. Ne gjithsesi, konstatojme se pas diteve te festave ka pasur nje vale te fuqishme te udhetimeve ne kthim. Mundesia per te udhetuar pa viza ne zonen Shengen, vleresohet prej nesh shume pozitivisht. Ne premtojme qe do te kete nje shkembim me te fuqishem mes dy shoqerive tona civile. Vecanerisht te rinjve, ky liberalizim u krijon mundesine per te pare, gjate qendrimeve te tyre afatshkurtra ne hapesiren e Shengen-it, drejt zhvillimit duke u kthyer ne Shqiperi me ide te fresketa dhe te avancuara.
Ne fund te vitit 2010, Komisioni Evropian publikoi raportin e progresit per Shqiperine, ku evidentonte perparime por dhe probleme. Ky vleresim po lexohet ne menyra te ndryshme nga politika shqiptare. Ka apele nga nderkombetaret per afrim te qendrimeve mes mazhorances dhe opozites, por te pakten deri me sot nuk ka ndonje qendrim qe t'i jape fund ngercit politik ne vend. Si do ta vleresonit kete situate?
Funksionaliteti i Parlamentit eshte nje kriter i rendesishem politik, ne rrugen e Shqiperise drejt Bashkimit Evropian. Per kete arsye, bllokada politike qe zgjat prej afer nje viti e gjysme eshte nje prej shkaqeve kryesore pse Komisioni Evropian, ne raportin e fundit te progresit nuk e rekomandoi dhenien e statusit te vendit kandidat. Para se gjithash, do te thosha se eshte ne interes te popullit shqiptar qe te dy kampet politike te arrinin te gjenin nje zgjidhje kompromisi, ne menyre qe te parandalohet nje humbje e metejshme ne besimin e shqiptareve, ne institucionet e tyre politike dhe qe te kete mundesi per perkushtim ndaj detyrave urgjente qe kerkojne berja e reformave. Dua te shpreh keqardhjen time qe dy kampet politike nuk munden te gjenin nje zgjidhje kompromisi. Se fundmi, dihet qe ishte propozuar nga Parlamenti Evropian nje formule e qarte kompromisi, ku ne vertet kishim shpresa shume te medha se kompromisi do te dilte ne drite ditet e fundit. Raporti i progresit per vitin 2010 numeron 12 fusha problematike, ne te cilat Bashkimi Evropian pret dhe shpreson hapa konkrete. Krahas funksionalitetit te Parlamentit, ketu ka dhe fusha te tjera me rendesi te madhe, sikunder jane demokracia, shteti ligjor dhe sistemi i drejtesise. Bllokada politike, pengon dhe zgjidhjen e ketyre fushave problematike. Raporti i ri i progresit, qe pritet te publikohet ne vjeshte te ketij viti do te marre ne konsiderate dhe do te vleresoje ato qe arrihen deri ne vere. Ne fakt disa prej fushave problematike, qe jane permendur ne raportin e fundit, qeveria shqiptare mund t'i zgjidhe ose orientoje drejt zgjidhjes me ane te shumices se vet parlamentare. Nderkohe, qe te tjerat kane nevoje per zgjidhje, per te cilat do te ishte e nevojshme perpjekja e perbashket e mazhorances dhe e opozites.
Zonja ambasadore, kur mendoni se Shqiperia do te marre nje vendim pozitiv per statusin e vendit kandidat ne Bashkimin Evropian?
Ministri Federal i Puneve te Jashtme, zoti Guido Uesteruelle, ka theksuar gjate nje konference te vendeve te Ballkanit Perendimor, qe u mbajt ne Berlin muajin e kaluar, se ky rajon eshte pjese e Evropes. Pranimi i vendeve te Ballkanit Perendimor, eshte nje synim i qarte dhe i rendesishem i procesit te zgjerimit te BE-se. Nje rekomandim pozitiv i Komisionit Evropian ne raportin e progresit, si dhe vendimi pozitiv i shteteve anetare gjithsesi varen nga progresi qe do te arrije Shqiperia ne kuader te reformave. Duhet marre ne konsiderate, se qeverite e vendeve anetare te BE-se ne vendimet e tyre, kane nje lloj detyrimi dhe perkundrejt popullsive te tyre. Pasi nga pikepamja e se drejtes kushtetuese, ky proces ka nje forme te ndryshme ne vende te ndryshme. Ne Gjermani per shembull, Gjykata Federale Kushtetuese, e ka perforcuar ne kuader te ratifikimit te Traktatit te Lisbones rolin e Bundestag-ut ne kuader te zgjerimit te BE-se.
Per vitin 2011, si eshte perspektiva e marredhenieve mes Gjermanise dhe Shqiperise?
Marredheniet tona bilaterale ne i konsiderojme si te shkelqyera, duke deshiruar zgjerimin e tyre te metejshem gjate ketij viti. Te flasim konkretisht: Gjermania e ka mbeshtetur dhe vijon te mbeshtese Shqiperine, ne rrugen e saj te anetaresimit ne Bashkimin Evropian. Ne japim kontributin tone duke u fokusuar ne sektoret e furnizimit me energji elektrike, mjedisin, duke perfshire ketu dhe furnizimin me uje te pijshem dhe kanalizimet, zhvillimin e nje ekonomie te qendrueshme dhe mireqeverisjen. Qe nga fillimi i bashkepunimit ekonomik mes dy vendeve me 1987, qeveria federale e ka mbeshtetur Shqiperine me nje vlere me shume se 1 miliard euro. Nga keto, 200 milione euro jane vene ne dispozicion qe prej vitit 2008. Para disa diteve qeveria federale ka vene ne dispozicion nepermjet Bankes Gjermane per Zhvillim, nje kredi te bute ne vleren e 30 milione eurove, per ndertimin e linjes se transmetimit te tensionit te larte mes Shqiperise dhe ish-Republikes Jugosllave te Maqedonise, si dhe 67.5 milione euro per projekte te infrastruktures dhe te fushes sociale. Ky bashkepunim bilateral ekonomik realizohet krahas projekteve te tjera te BE-se, buxheti i te cilave bartet ne nje vlere rreth 20 per qind nga Gjermania.