Bllokohen produkte kozmetike të falsifikuara, QKKB: Dëmtojnë shëndetin

Tiranë- Një sasi produktesh kozmetike të firmës AVENE janë bllokuar sot nga Policia e Tiranës dhe nga Qendra Kombëtare e Kontrollit të Barnave pasi rezultojnë të falsifikuara.

Sipas drejtorit të kësaj qëndre, zotit Arif Shahini, disa produkte të falsifikuara të firmës AVENE rezultojnë të dëmshme për shëndetin e konsumatorëve.

Shahini, tha se produktet e bllokuara, mund të jenë falsifikuar jashtë shtetit. Policia e Tiranës ka nisur procedim penal për këto produkte.

Ndërsa në bashkëpunim me QKKB-në, po punojnë për zhdukjen e tyre nga qarkullimi.

Ndërkohë që rrugët we kryeqytetit janëmbushur me shitës ambulantë që pretendojnë se tregëtojnë produkte të shëndetshme, ndësa nuk kanë asnjë dokument bashkangjitur që ta vërtetojë atë.