Blushi: Mbështes protestat por jam kundër bojkotit

Deputeti i Partisë Socialiste, Ben Blushi, tha sot gjatë një prononcimi për mediat, se "mbështes protestat e Partisë Socialiste për mbrojtjen e votës së lirë në zgjedhjet e 28 qershorit, por mbetem kundër bojkotit të parlamentit. Unë i quaj të drejta këto protesta, për të ngritur zërin për vjedhjen e votave, por parlamenti nuk i përjashton këto protesta", tha Blushi. Blushi bëri të ditur gjithashtu se ditën e premte do të ketë një takim me anëtarë dhe simpatizantë të Partisë Socialiste në Tiranë për të ballafaquar idetë me veprimet. Në një konferencë për shtyp ditën e djeshme Kryetari në detyrë i Partisë Socialiste, Edi  Rama, tha se "përveç kushtëzimit për hyrjen në Parlament, PS do të ndërmarrë edhe veprime të tjera në mbrojtje të votës, siç janë edhe protestat masive".