Borchard: Bojkoti cenon reformat, PS ne Kuvend

Opozita po "qortohet" gjithnje e me shume nga nderkombetaret, per bojkotin qe po i ben Kuvendit dhe Komisioneve Parlamentare. Pas thirrjeve te OSBE-se dhe Komisionit Evropian, dje reagoi edhe ambasadori gjerman ne vendin tone, Bernd Borchardt. "Me bojkotin cenohen disa reforma, qe patjeter kane nevoje per opoziten",-tha dje ambasadori Borchard. Sipas tij, vendi i opozites eshte vetem ne Kuvend dhe mungesa e saj do te cenoje reformat e rendesishme, per te cilat ka nevoje vendi. "Vendi i opozites eshte ne Kuvend. Me bojkotin, cenohen disa reforma qe patjeter kane nevoje per opoziten. Ndaj vendimet e rendesishme merren ne Kuvend dhe aty duhet te jete dhe vendi i opozites", tha ambasadori gjerman. Ne keto kushte, ai i kerkoi opozites qe t'i rikthehet jetes parlamentare dhe te marre pjese ne diskutimet, per zbatimin e rekomandimeve te OSBE/ODIHR per zgjedhjet. Ashtu si Ambasadori i OSBE-se, Robert Bosh, edhe Borchardt tha se opozita duhet t'i permbahet deklarates se Bashkimit Evropian, per zgjedhjet. Sipas tij, disa prej kushteve te opozites mund te shqyrtohen dhe jene pjese e diskutimeve, por ato nuk duhet te ndikojne ne vijimin e bojkotit. Sidomos ne momentin kur nderkombetaret i vleresuan zgjedhjet si me te mirat e zhvilluara deri me sot, si dhe hoqen cdo dyshim per manipulim te rezultatit apo vjedhje te votave. Ambasadori gjerman Borchardt, vleresoi diten e djeshme se nje sere reformash te rendesishme qe Shqiperia duhet te realizoje ne kuader te integrimit te vendit ne Bashkimin Evropian, si ajo ne sistemin e drejtesise, kane nevoje per prezencen dhe kontributin e opozites. Kjo edhe per faktin se per miratimin dhe realizimin e tyre, kerkohet nje numer i cilesuar votash, pra 84, numer qe mazhoranca ne pushtet nuk e ka. Prej ditesh, thirrjet e nderkombetareve ne adrese te opozites qe ajo te rikthehet ne Kuvend, po shtohen gjithnje e me shume. Megjithate, ky fakt nuk po i lekund aspak te 65 deputetet e se majtes, qe te rikthehen ne jeten parlamentare. Partia Socialiste po i qendron fort kushteve te saj dhe plotesimin e tyre, si e vetmja mundesi qe ata te hyjne ne Parlament. Nje prej kushteve kryesore, eshte nisja e hetimit parlamentar per zgjedhjet e 28 qershorit. Zgjedhje qe socialistet i konsiderojne te vjedhura dhe rezultatin e tyre te manipuluar. Pervec kesaj, selia roze kerkon edhe plotesimin e disa kushteve te tjera si, rikthimi ne pune i punonjesve te administrates publike, qe u shkarkuan politikisht, apo ndryshimin e perberjes se keshillave te medias, per te cilat u shpreh ne favor te plotesimit te tyre edhe ambasadori gjerman. Kushte, pa te cilat PS premton se nuk do te hyje ne sallen e Kuvendit, pa u plotesuar.

Thirrja

Ambasadori gjerman ne vendin tone, Bernd Borchard, i beri thirrje opozites te hyje ne Kuvend. Duke theksuar faktin se debati dhe reformat realizohen ne Parlament, Borchardt theksoi se PS duhet te marre pjese ne reforma.