Borko: Nikoliq nuk ka plan për Kosovës

Shefi i ekipit negociator të Beogradit në dialogun me Prishtinën, Borko Stefanoviq ka thënë se as presidenti i Serbisë, Tomisllav Nikoliq dhe as partia e tij, nuk kanë plan për Kosovën dhe se me sulme mbi ekipin negociator kërkon alibi për politikën pa themele.

“Kjo është grup i njerëzve të paaftë, të pa definuar të cilët nuk kanë kurrfarë plani dhe as program dhe të cilët me shpifje të vazhdueshme për ekipin negociator tentojnë të gjejnë alibi për politikën e tyre të pa themeltë dhe përgjithësisht për një masë apsolute amorfe të cilën e përfaqëson Partia Përparimtare Serbe dhe lideri i saj Tomisllav Nikoliq”, ka thënë ai.

Stefanoviq pohon se plani i Nikoliqit për Kosovën nuk ekziston.

“Ja....Ka gjashtë muaj që ata paralajmërojnë ndonjë plan famoz për Kosovën, për të cilin me përgjegjësi pohoj se nuk ekziston. Gjithashtu, pohoj se thirrja e tyre e rrejshme për konsensuz, nuk do ta pranojnë Kosovën dhe se Kosova nuk do të jetë anëtare e OKB-së janë objektiva të ditura të politikës së këtij shteti. Me përgjegjësi pohoj që të gjitha interpretimet tona janë shndërruar në vendime të qeverisë së Serbisë”, ka thënë ai.