Borxhi, kostoja në rritje

Ankandi i fundit i Bankës së Shqipërisë ka konfirmuar prirjen rritëse të kostos së borxhit qeveritar. Në këtë ankand, qeveria bleu 9.6 miliardë lekë borxh, me afat 1-vjeçar me një normë interesi prej 8.2 përqindësh. Vetëm një javë më parë, i njëjti borxh u ble me një interes prej 8.17 përqindësh. Në fillim të muajit prill, borxhi publik me afat njëvjeçar është emetuar me interes prej 8.11 përqindësh. Rritje kanë shënuar edhe interesat e borxhit me afat maturimi 6-mujor, të cilët arritën në ankandin e fundit në 7.46%. Krahasuar me dy vjet më parë, kostot e borxhit janë rritur me gati 2 pikë përqindjeje. Disa nga ekspertët thonë se kjo ndodh për shkak se tregu i borxhit publik është në kushte gati monopol. Vetëm një bankë zotëron mbi 60 për qind të borxhit qeveritar, ndërsa qytetarët nuk kanë akses fare në këtë treg.