Bosh: Opozita duhet te luaje nje rol konstruktiv ne vend

Ambasadori i OSBE-se ne vendin tone, Robert Bosh, i kerkoi dje opozites shqiptare qe te luaje nje rol konstruktiv ne procesin e realizimit te reformave. Ne nje pritje te organizuar me rastin e Dites Nderkombetare te te Drejtave te Njeriut, Bosh gjeti rastin serish t'i beje thirrje klases politike, per daljen nga kriza aktuale. Duke i lene keshtu, jo pak pergjegjesi opozites ne kete situate, e cila prej tre muajsh po vijon bojkotin ndaj cdo aktiviteti parlamentar. "Aktoret politike duhet te shfaqin nje vullnet dhe pjekuri me te madhe politike per te garantuar ekzistencen e kushteve per vazhdimin e procesit te reformave me ritmin qe i shkon per shtat nje vendi me aspirata te mirenjohura integruese. Nje vullnet i tille dhe nje pjekuri e tille eshte demonstruar tashme se mund te arrihen. I takon tashme qeverise ne radhe te pare te beje perpara e te sjelle gjithe aktoret se bashku. Pervec kesaj, kjo do te thote edhe se opozita duhet te luaje nje rol konstruktiv", theksoi Bosh. Duke cituar edhe te mirenjohurin e xhazit, Luis Armstrong, Bosh permendi nje nga kenget e tij hit, ku thuhet se: "Duhen dy vete, per te vallezuar tango". Madje duke shkuar me tej, ambasadori theksoi se per te formuar nje partneritet te qendrueshem vallezimi, duhen tri hapa baze. "Hapi i pare, duhet te komunikosh sistematikisht me partnerin apo partneren, perndryshe rrezikon t'i shkelesh kemben, prandaj eshte koha per me shume dialog!. Hapi i dyte, duhet t'ia vesh veshin me dashamiresi e ta ndihmosh tjetrin ne pikat e tij apo te saj te dobeta, prandaj, eshte koha per kompromis!. Dhe hapi i trete, dy vete nuk zgjasin shume si cift vallezimi, nese nuk flasin me miresjellje me njeri-tjetrin, prandaj eshte koha per nje gjuhe me te bute!", krahasoi me situaten aktuale politike ne vend, ambasadori i OSBE-se. Bosh vleresoi se per kete vit, ngjarjet me kryesore politike per Shqiperine, ishin hyrja e vendit ne NATO, si dhe dorezimi i kerkeses se Shqiperise per te marre statusin e vendit kandidat ne BE ne muajin prill. E mbi te gjitha, sipas tij, qendron optimizmi aktual mes aktoreve vendas per procesin e liberalizimit te vizave. Ne kete kuader, ambasadori i OSBE-se, nuk la pa permendur edhe zgjedhjet parlamentare, ku ne raportin perfundimtar i OSBE/ODIHR-it theksohej se keto zgjedhje "permbushen shumicen e angazhimeve te OSBE-se". Nderkohe qe ambasadori i OSBE ne Tirane nuk ka munguar te shprehet dhe per detyrat qe dalin nga forcat politike shqiptare qe te realizojne te gjitha rekomandimet e OSBE/ODIHR-it per zgjedhjet.

Rekomandimet e ambasadorit te OSBE

Cfare duhen realizuar ende:

Duhet te shohim nje zbatim te plote dhe me te efektshem te legjislacionit ne perputhje me standardet nderkombetare.

Duhet te shohim nje zhvillim te metejshem te pushtetit gjyqesor si nje institucion plotesisht i pavarur dhe i lire nga nderhyrjet politike, si dhe forcimin e metejshem te ndarjes kushtetuese te pushteteve.

Se fundi, duhet te shohim nje fushate me te perqendruar dhe te fokusuar ne luften kunder korrupsionit duke respektuar shtetin e se drejtes, pasi nivelet aktuale mbeten te larta.

Hapat qe mund te cojne ne zgjidhjen politike:

Hapi i pare - Duhet te komunikosh sistematikisht me partnerin apo partneren, perndryshe rrezikon t'i shkelesh kemben, prandaj eshte koha per me shume dialog!

Hapi i dyte - Duhet t'ia vesh veshin me dashamiresi e ta ndihmosh tjetrin ne pikat e tij apo te saj te dobeta, prandaj eshte koha per kompromis!

Hapi i trete - Dy vete nuk zgjasin shume si cift vallezimi, nese nuk flasin me miresjellje me njeri-tjetrin, prandaj eshte koha per nje gjuhe me te bute!