Bozho: Legalizimet ne Tirane, procesi do te mbyllet brenda vitit Eglantina Nasi
Procesi i legalizimit te ndertesave informale ne Tirane do te mbyllet brenda ketij viti. Garancine per konkludimin e tij ne respektim te ketij afati kohor, e jep vete kreu i ALUIZNI-t per Tiranen, Kreshnik Bozho, sipas te cilit, kjo pritet qe te realizohet pikerisht fale nje pune voluminoze qe eshte kryer dhe po kryhet ende lidhur me kete aspekt. “Ne fund te vitit 2013, ne e perfundojme procesin e legalizimeve. Jane 24.700 dosje te kualifikuara dhe tashme mund te kene mbetur rreth 2-3 mije dosje te pambyllura”,- theksoi ai gjate nje deklarate per median mbi ecurine e ketij procesi. Duke konstatuar ne kete menyre, se mbi 80% e dosjeve kane perfunduar trajtimin e tyre dhe se pjesa e mbetur, patjeter qe do te permbyllet brenda harkut kohor te ketij viti. “Me keto ritme, synojme qe deri ne fund te vitit ta mbyllim procesin”,- tha ai. Duke shtuar me tej edhe faktin se cdo dite, firmosen me qindra leje legalizimi. Dhe se po punohet me orare te zgjatura, pikerisht me qellimin per ta mbyllur sa me shpejt procesin ne fjale. “Ketu behet fjale per punen e disa te rinjve dhe te rejave, qe jane gjithe diten ne terren, ne diell dhe ne shi, jane gjithe diten prane dosjeve. Po jepen me qindra mijera leje legalizimi”,- saktesoi me tej kreu i ALUIZNI-t per Tiranen. Duke e vijuar deklaraten e tij edhe me sqarimin e procedurave perkatese, se me perfundimin e dosjeve, u ngelet qytetareve te kryejne pagesat. “Me pagesen e fatures, brenda 4 diteve, ata do te pajisen me lejen e legalizimit”,- argumentoi Bozho. Per te perfunduar me idene se legalizimi si i tille, eshte nje proces qe po shkon drejt finalizimit te tij te kompletuar. “Deri ne vitin 2005, u injorua fakti se ne Tirane dhe ne te gjithe Shqiperine, ishin qindra mijera objekte pa leje. Sikur nuk ekzistonte ky lloj problemi. Por sot jemi ne fazen qe ai po shkon drejt finalizimit”,- konstatoi mes te tjerash, drejtuesi i procesit te legalizimeve per kryeqytetin. Nga ana tjeter, ne teresi per permbylljen e procesit te legalizimeve ne rang vendi, edhe vete kreu i pergjithshem i ALUIZNI-t, Ardian Kollozi, eshte shprehur vazhdimisht se ai do te realizohet brenda vitit 2013.