Bregu: Me LSI-në në qeveri, integrimi më i shpejtë

Zëdhënësja e qeverisë, Ministrja e Integrimit e ka cilësuar si të suksesshme frymën konsensuale, që sipas Majlinda Bregut, përcjell futja e një partie të majtë në qeveri.

Nga ana tjetër, Ministrja e Integrimit, i drejtohet direkt kryetarit të PS-se, Edi Rama, i cili sipas saj, nuk njeh zgjedhjet dhe institucionet e dala prej tyre, për shkak të egos personale të pushtetit.

Ministrja e Integrimit, e përqendron idenë e këtij bashkëpunimi, në sektorin që ka më përzemërt, pra të reformat që i shërbejnë integrimit drejt BE-së. Por, për rëndësinë që kanë disa prej këtyre reformave, Bregu kërkon që një konsensus i gjerë të jept nga deputetët e PS-ës.