Brenda 2 muajsh Kosova me targa të reja

Të gjithë drejtuesit e automjeteve në Kosovë më së largu edhe dy muaj do të mund të kenë targat e reja të automjeteve me shkurtesën RKS. Mirëpo, lëshimi i këtyre targave nuk do ta ndërpresë edhe qarkullimin e automjeteve me simbole të para vitit 1999, të cilat i përdorin kryesisht qytetarët serbë. Për këto targa qenë anuluar 4 tenderë dhe rreth tyre ishte diskutuar shumë gjatë se ka pasur edhe keqpërdorime. Ministri i Punëve të Brendshme, Bajram Rexhepi, ka thënë se për hir të transparencës tani përgatitjet për tenderim i ka bërë zyra e prokurimit me një kompani konsulente të Komisionit Europian.