Briatore denoncon brazilianin Pike

"Po hakmerren!". Këto janë fjalët e Flavio Briatores, i cili po përgatit kundërsulmin ndaj Federatës Ndërkombëtare të Automobilizmit dhe Nelsinjo Pikesë. Njëshi i Renaultit ka denoncuar ish-pilotin brazilian të skuadrës dhe ka evidentuar disa detaje të çuditshme në hetimin e FIA-s për aksidentin e Pike në Singapor, që sipas dëshmive të pilotit u kërkua nga skuadra, për të favorizuar Fernando Alonson. Dyshimet lidhen me publikimin e deklaratave të Nelsinjos dhe të një pjese të dëshmisë që drejtori teknik i Renosë, Pat Simonds dha për hetuesit, ndërsa nuk është publikuar asnjë prej deklaratave të Briatores, që hedh poshtë pikë për pikë, çdo pretendim për lojë të parregullt.