Britni Spirs, këngëtarja në Meksikë me ish-të dashurin
Dukej se çdo gjë kishte marrë fund me këngëtares Britni Spirs dhe menaxherit të saj Xhezon Travik. Sipas thashethemeve, ai ishte ndarë nga Spirs pas 6 muajsh lidhje, pasi qëllimi i saj ishte që të martohej. Tani fotografitë e tyre po bëjnë sërish xhiron e botës në revistat e ndryshme. Britni dhe Xhezon u panë së bashku me pushime duke u argëtuar në Meksikë. E ndërsa i ati i yllit të popit merret me fëmijët, Britni i lejon vetes një shëtitje rromantike përgjatë bregut të detit. Më pas ajo u dedikohet fëmijëve, duke luajtur me Xheiden Xhejms dhe Shon Preston në xhakuzin e hotelit. Një pamje vërtet mallëngjyese. Është vërtet lajm i mirë që Britni pas një periudhe të gjatë shqetësimesh dhe problemesh familjare, përveç formës fizike të mrekullueshme, ka gjetur edhe dashurinë!
Hulio Iglesias: “Në seks më duhet pak ndihmë”
Ja ku shembet një nga mitet që i këndon prej një jete dashurisë dhe pasionit. Këngëtari Hulio Iglesias ka thënë për të përditshmen spanjolle “El Mundo”, se përdor Viagrën: herë pas here kam nevojë për një ndihmë të vogël. Deklarata e këngëtarit vjen menjëherë pas një koncerti ku ishin të pranishëm rreth 7 000 persona Ndërkohë shtypi ndjek partneren aktuale të Hulios, Miranda Rijnsburger, e cila me sa duket është shtatzënë. Këngëtari ka pohuar gjithashtu se me Rijnsburger pret fëmijën e tij të pestë me ish-modelen holandeze ndërkohë që ka edhe tre fëmijë të tjerë me ish-bashkëshorten Isabel Prejsler, mes të cilëve edhe këngëtarin Enrike Iglesias. Kjo është hera e parë që këngëtari flet për jetën e tij private. Ai është 66 vjeç dhe thotë se është shumë autoironik: “Kohë më parë të bëja dashuri para se të këndoja ishte fiksimi im, tani nëse bëj dashuri, nuk mundem më të këndoj”.
20 Tetor 2009