Bujqesia, vitin tjeter Agjenci Subvencionimi
Brenda vitit 2009 do te filloje funksionimin Agjencia e Subvencionit te sektorit bujqesor. Nisma me e re e qeverise, u be publike dje dhe pritet qe t'i jape hov nje nder sektoreve me te rendesishem te ekonomise shqiptare. Deri me tani jane aplikuar skema te tjera per subvencionimin e sektorit te bujqesise, por duke filluar nga viti i ardhshem, perfitimi i fondeve do te behet sipas nje menyre te re. Ministri i Bujqesise, Jemin Gjana, u tregua shume optimist per ngritjen e kesaj agjencie, pasi do t'u jape zgjidhje problemeve ne kete sektor. Sipas parashikimeve, kjo agjenci do te jete nje njesi qe do te beje pagesat, nderkohe qe pikerisht ne kete institucion, fermeret do te aplikojne per te perfituar fondet e vena ne dispozicion. Pra, do te jene pikerisht fermeret, te cilet me aplikimet e tyre do te orientojne vemendjen e kesaj agjencie. Nderkohe dje, gjate prezantimit te ketij projekti, ku moren pjese ministrat Gjana, Ruli dhe Bode u vu theksi ne perdorimin me eficence te fondeve nga kjo agjenci. Gjate fjales se tij, ministri i Financave, Ridvan Bode, deklaroi se "ne jemi nje vend deficitar dhe kjo ne kuptimin qe edhe pse jemi nje vend bujqesor, ne jemi importues neto te mallrave ushqimore. Bilanci yne tregtar edhe ne sektorin e bujqesise, te ardhurat e bujqesise, te blegtorise mbeten deficitare". Pikerisht per kete arsye, ai kerkoi qe fondet te perdoren ne drejtimin e duhur, pasi nuk jane ndihme sociale per shtresat e varfra, por per mbeshtetjen e sektorit bujqesor. Sektori bujqesor vijon te mbetet akoma pak i tregtueshem, pikerisht per kete arsye, ministri Bode kerkoi qe te behet kujdes per te mos e nxjerre nga tregu produktin bujqesor, por per t'i dhene me teper mbeshtetje. Sipas te dhenave rreth 60-70 per qind e prodhimit bujqesor vetekonsumohet ne ferme, ndersa pjesa tjeter, pra 30 deri ne 40 per qind futet ne zinxhirin tregtar. Aktualisht, Ministria e Bujqesise, Ushqimit dhe Mbrojtjes se Konsumatorit ka vleresuar 35 subjekte, fituese te subvencionit per normen baze te kredise, qe do te marrin per zbatimin e projekteve te tyre ne sektorin e bujqesise. Keto, 35 subjekte pritet te perfundojne kontraten me bankat dhe MBUMK qe do te financojne normat e kredive jo me te vogla se 10 milione leke dhe interesi qe subvencionohet per nje kredi nuk mund te jete me shume se 2 milione leke. Nderkohe, zbatuesit e projektit "Rritja e Prodhimit Ushqimor 2KR", kane shperndare deri tani ne shkalle vendi, 262 milione leke. Tashme pritet te perfundojne te gjitha diskutimet ne menyre qe te detajohen procedurat e tjera per fillimin e punes se agjencise ne janar te vitit te ardhshem.