Bullgaria nën valën e protestave prej 48 ditësh

Manifestuesit janë të vendosurpër largimin e qeverisë

Në shesh për të 48-ën ditë radhazi. Rreth 200 persona që kanë manifestuar sërish në shesh kundër institucioneve bullgare që akuzohen për korrupsion dhe se përmbushin vetëm interesat e oligarkisë ekonomike në vend, pa marrë parasysh kërkesat e qytetarëve.
Protestuesit shprehen se vendi ka nevojë për persona të kualifikuar dhe kurajozë. Madje ata janë të bindur se në shtator do të kenë një qeveri të re.
Kërkesa e tyre është e qartë, qeveria duhet të largohet. Protestat kanë nisur në muajin qershor, pas emërimit pa asnjë debat parlamentar të një sipërmarrësi të famshëm në drejtimin e shërbimeve sekrete në vend. Që atëherë besimi në klasën politike bullgare ka rënë në nivele minimale. Ndërsa nga ana tjetër është rritur në mënyrë surprizë besimi në institucionet europiane.