Burrat rrahin grate, dy bien ne pranga
TIRANE - Dhuna ndaj grave nuk njeh kufij. Nje 30-vjecar eshte ndaluar, pasi gruaja e ka denoncuar per ushtrim te dhunes fizike e kercenim per shkaqe xhelozie. Burime zyrtare te policise thane se Arjan Hysa eshte kallezuar dy dite me pare dhe shoqerimi i tij eshte bere ne baze te ligjit te ri per “masat ndaj dhunes ne familje”. Denoncimi eshte bere ne Komisariatin nr. 2 te Tiranes nga e demtuara M. H., 29 vjece. Ndaj te dyshuarit Hysa ka nisur procedimi penal per rrahjen dhe kercenimin e gruas. Por, paralelisht me procedimin penal, per t’i ardhur ne ndihme dhe me synim per te parandaluar pershkallezimin e konfliktit, 29-vjecares iu plotesua kerkese-padia per leshimin e urdhrit te mbrojtjes drejtuar Gjykates se Tiranes. Hysa do te jete nen hetim per akuzen e “demtimeve te tjera me dashje”. Po dje, policia ka ekzekutuar urdhrin e Prokurorise se Tiranes, ndaj Ilir Mana, 29 vjec banues ne Fushe Mezes, pasi ne bashkepunim me Vath Cikun, 41 vjec, i cili do te ndiqet ne hetim te lire, rreth ores 14:00 te dites se djeshme, ne rrugen “4 Deshmoret”, kane tentuar te vrasin me sende te forta F. Tartaraj, 40 vjece, pas nje debati per motive te dobeta.
A.C