Deti nxjerr peshkatarin

DURRES - Gjendet me ne fund peshkatari i humbur nje muaj me pare, pasi kishte dale per te mbledhur rrjetat me peshq. Kufoma e peshkatarit Faik Idrizi, nga fshati Karpen i rrethit te Kavajes, i zhdukur ne det rreth 3 jave me pare, u gjet mengjesin e djeshem ne rade, rreth 5 milje nga porti i Durresit. Trupi qe pluskonte u diktua nga motopeshkatorja "Pukjani", e cila leshoi ne Kapitanerine e portit te Durresit nje sinjal. Ndersa “Pukjani” vijoi rrugen drejt peshkimit, ekuipazhi njoftoi me radio koordinatat, ne te cilat ndodhej kufoma. Dy motoskafe te policise kufitare u nisen ne vendin e ngjarjes, por e kane pasur te pamundur te vene ne bord trupin e fryre nga uji, duke e lidhur me litare ne pjesen anesore te nje skafi. Rreth mesdites se djeshme, trupi i peshkatarit u soll ne kalaten numer 1 te portit. Vellai i viktimes, dy djemte e tij dhe disa te aferm, kane mberritur posacerisht ne bankinen e portit per te identifikuar trupin e mbeshtjelle me batanije. Pasi kane njohur viktimen, trupi eshte nisur drejt morgut te spitalit rajonal te Durresit me nje autoambulance te posacme me pas iu dorezua familjareve per ceremonine mortore.