Bursat, studentet edhe nje shans per dokumentet
Studentet qe kane aplikuar per burse ekonomike, por nuk ia kane arritur q t'i dorezojne dokumentet ne rregull, e kane edhe nje mundesi. Sipas burimeve nga fakultete te ndryshme te Universitetit te Tiranes, studentet qe kane aplikuar per burse, te paraqiten prane zyres se Sherbimeve per te terhequr pergjigjen per kontrollin e dokumentacionit dhe per te bere plotesimin e tyre ne rast se mungon ndonje prej tyre. Qe te jeni perfitues i bursave te plota apo gjysmebursave, atehere duhet te permbushni nje sere kriteresh, te miratuara me vendim te Keshillit te Ministrave. Bursa e plote per nxenesit e arsimit parauniversitar varion nga lloji i shkolles nga 6.400-6.900 leke dhe po ashtu edhe bursa per studentet varion nga 8.900-9.400 leke. Fakultetet dhe shkollat kane publikuar nje njoftim ku jepen kriteret dhe dokumentacionet qe duhet te plotesojne aplikantet. Per studentet e vitit te pare bursa konfirmohet nga bashkia ose komuna. Keshtu, mesohet se perfitojne studentet, qe vazhdojne studimet larg vendbanimit te tyre ne largesine mbi 5 km dhe plotesojne kriterin ekonomik, studentet, qe kane perfituar statusin e jetimit dhe qe plotesojne kriterin ekonomik, studentet, te cilet kane humbur kujdestarine prinderore me vendim gjykate te formes se prere dhe qe plotesojne kriterin ekonomik, studentet, qe regjistrohen ne vitin e pare te shkolles se larte, qe kane mbaruar shkollen e mesme me Medalje Ari, studentet, qe regjistrohen ne vitin e pare te shkolles se larte, qe jane shpallur nga Ministria e Arsimit dhe e Shkences me te miret e Matures Shteterore, sipas renditjes ne listen e vleresimit. Per vitin 2012, numri i tyre do te jete 25 studente, si dhe studentet qe kane mbaruar vitin akademik pararendes me te gjitha notat 10. Jane nje sere dokumentesh qe duhen plotesuar ne menyre te detyrueshme per t'u klasifikuar si kandidat per marrje burse. Behet fjale per deklarate nga kryefamiljari, certifikate familjare e muajit te fundit, te ardhurat e deklaruara te familjes nga kryefamiljari, vertetim nga Bashkia / Komuna per trajtim me ndihmes sociale ne te cilen pershkruhen arsyet pse trajtohen ose perse nuk trajtohet, vertetim nga sigurimet shoqerore, vertetim papunesie ose punesimi nga Zyrat e Punes se Bashkise-Komunes, vertetim nga Tatim Taksat dhe QKR ne emer te te gjithe anetareve te familjes nese ushtrohet aktivitet privat, vertetim Hipoteke per pronesine toke/trualli (nese familja disponon) si dhe vertetim nga Zyra e regjistrimit te pasurive te paluajtshme. Mesohet se bejne perjashtim nga kriteri ekonomik femijet studente te punonjesve te Policise se Shtetit, te Gardes se Republikes, te Sherbimit te Kontrollit te Brendshem, te Policise se Mbrojtjes nga Zjarri dhe te Shpetimit, te Forcave te Armatosura, te Sherbimit Informativ Shteteror dhe Policise se Burgjeve qe kane humbur jeten ne krye dhe per shkak te detyres.