Buxheti i shtetit akordon 13 milion lekë për rikonstruksionin e kopshtiti të fëmijëve në Peqin

Me një fond prej 13 milion lekësh nga buxheti i shtetit ka nisur rikonstruksioni i kopshtit në qytetin e Peqinit, një institucion që frekuentohet nga të paktën 100 fëmijë. Kryetari i bashkisë së Peqinit, Ilir Rrushaj tha se “me këtë fond do të rikonstruktohen ambientet e brendshme si dhe do të instalohet sistemi i ngrohjes. Pjesë e projektit është dhe rehabilitimi i fasadës së godinës". Sipas Rrushaj, investimi ishte i domosdoshëm për shkak të mungesës së kushteve për rritjen dhe zhvillimin e mirë të fëmijëve. Punimet pritet të përfundojnë brenda muajit qershor dhe siç shprehet kryebashkiaku shumë shpejt në dispozicion të fëmijëve do të ketë mjedise argëtuese, sistem ngrohjeje, etj.