Buxheti i vitit 2010, asnjë dinar për statusin e UÇK-së

Sipas këtij projektbuxheti, duket se statusi i tyre do të vazhdojë të mbetet pa zgjidhje. Ndërkohë që BDI, e cila ndodhet në qeveri, thekson se mjetet nuk parashikohen në projekt buxhet, të paktën për aq kohë sa statusi i ish-pjesëtarëve të UÇK-së nuk është zgjidhur së pari ligjërisht.

Premtimet e BDI-së për këtë çështje, u frenuan edhe nga kryeministri Gruevski pak ditë më parë, kur tha se nuk kishte të drejta të veçanta apo pensioni për ish-pjesëtarët e UCK-së. Më herët u fol se grupe pune të partive në pushtet, BDI-së dhe VMRO DPMNE-së po punonin për harmonizimin e një zgjidhje adekuate, në kuadër të ligjeve ekzistuese.