Cameron priti Zardarin

Presidenti i Pakistanit, Asif Ali Zardari, u takua sot në Londër me kryeministrin e Britanisë, David Cameron, për të riparuar marrëdhëniet e tendosura diplomatike mes dy vendeve.

Pas takimit, dy liderët e theksuan rëndësinë e lidhjeve të mira mes dy vendeve.
“Ajo që biseduam kishte të bëjë me partneritetin tonë strategjik, dhe mënyrave për thellimin e tij, qoftë në tregti, arsim apo në fushën e luftimit të terrorizmit, e cila është e një rëndësie jetike”, tha Cameron.

Marrëdhëniet dypalëshe u ftohën javën e kaluar, pasi Cameron tha se disa elementë në Pakistan po lejonin eksportin e terrorizmit islamik.