Capello mund të vazhdojë me Anglinë

Sir Trevor Brooking ka thënë se Fabio Capello mund të mbetet në postin e selektorit të Anglisë edhe pas Euro 2012. Kontrata e Capellos skadon në verën e vitit të ardhshëm, ndërsa ai tashmë spekulohet me angazhim në klube të ndryshme evropiane.

Por, Brooking, drejtor i zhvillimeve në Federatën angleze të Futbollit, tha për BBC Radio 5 Live se italiani mund të vazhdojë.

“Kontrata e Capellos skadon në verë, por kurrë nuk duhet thënë kurrë. Ne synojmë që në Euro 2012 të paraqitemi më mirë se në Botërorin 2010”, tha Brooking.