Ceku: Dosja e Durres-Kukes, ne Prokurori

Kontrolli i Larte i Shtetit ka dorezuar ne Prokurorine e Pergjithshme dosje me shkelje te konstatuara ne tenderin e rruges Durres-Kukes. Kryetari i KLSH-se, Robert Ceku, tha dje, para Komisionit te Ekonomise, se ne nenshkrimin e kontrates per rrugen aq te debatuar Durres-Kukes jane verejtur shkelje jo te vogla. "Per kete kemi depozituar kallezimet penale ne prokurori per personat e perfshire", tha Ceku, duke raportuar per punen njevjecare te institucionit. Ne raportin vjetor te KLSH-se theksohet se kontrolli per rruget ka nisur ne maj te vitit 2007 dhe ka perfshire periudhen e prokurimeve 2005-2006 per 60 tendere te zhvilluar ne Drejtorine e Rrugeve. Ne perfundim raporti qe perfshin 9 mije faqe observacione te Ministrise se Transporteve dhe deklarimet e vete zyrtareve te akuzuar, ka cilesuar si abuziv 18 tendere te zhvilluar, ku bien ne sy ato te segmentit te mirenjohur Rreshen-Kalimash-Kukes-Morine per autostraden Durres-Kukes, qe lidh Shqiperine me Kosoven. Per keto shkelje, KLSH ka kerkuar masa administrative per disa persona te perfshire e me te prekur jane nepunes te Drejtorise se Pergjithshme te Rrugeve. Gjate raportimit para komisionit, kreu i KLSH-se, Ceku, theksoi se per nje vit, institucionet shteterore i kane shkaktuar nje dem buxhetit prej 6 miliarde lekesh. Me problematiket, sipas tij, vazhdojne te jene doganat edhe tatimet, ku jane konstatuar edhe shkeljet me te medha per vitin 2007. Vetem ne keto institucione, sipas Cekut, behet fjale per nje abuzim ne vleren e 30 milione dollareve. Kreu i KLSH-se rekomandoi rishikimin e ligjit per TVSH-ne, duke u ankuar se rimbursimi i saj eshte i veshtire. Ndersa sugjeroi te mos kete ndryshime te shpeshta ne legjislacionin fiskal, pasi ka veshtiresi zbatimi.

R.R