Censusi/PDIU Deklarohuni shqiptare
Diten e djeshme Partia Drejtesi per Integrim dhe Unitet ka nisur turin Ji krenar qe je shqiptar ne sallen kryesore te Muzeut Historik Kombetar ne kuader te regjistrimit te popullsise. Ne fjalen e tij kreu i PDIU-se Shpetim Idrizi tha se amendamentet e kesaj force politike jane garancia e vetme e censusit. Ai deklaroi se cdokush qe eshte shqiptar te deklarohet si i tille duke shtuar se per te gjithe ata qe do te deklarojne etni te rreme do te kene ndeshkime te rrepta ligjore. Institucionet pergjegjese kane percaktuar proceduren per eliminimin e deklarimeve te rreme dhe askush nuk mund te kete sukses ne kete ndermarrje te sponsorizuar nga jashte. Vendosja e gjobave gjithashtu eshte e garantuar ndaj i bejme thirrje kujtdo qe mendon se mund te manipuloje i joshur nga jashte se gabon. Ne besojme pra se amendamentet mundesojne qe procesi i censusit ta beje vete deklarimin e perkatesise etnike sa me objektiv sa me te qarte dhe me te besueshem sic kerkon neni 2 i Ligjit per censusin - eshte shprehur Idrizi. Ai iu ka kerkuar shqiptareve qe te deklarohen si te tille pasi grupe te ndryshme po kerkojne qe me ane te ketij censusi te shkaterroje Shqiperine. Idrzi ka theksuar se keto grupe e kane pergatitur tashme skenarin duke shtuar se e vetmja gje qe duhet te bejne shqiptaret eshte te deklarohen si te tille. Sic po e shohim faktori destruktiv nderkombetar me mashat e veta ne terrenin tone po luan me disa skenare. Nese te dhenat e procesit do te rezultojne nen pritshmerite e tyre ata do te thone se procesi eshte i manipuluar nese do te kete te dhena brenda pritshmerive te tyre atehere ata do te pranojne procesin. Kete e tregojne dhe qendrimet e ndryshme te zerave brenda minoritetit apo dhe angazhimi aktiv dhe i kunderligjshem i konsullit grek ne Korce - deklaroi nder te tjera Idrizi. Ndersa deputeti i kesaj force politike Dashamir Tahiri u kerkoi te gjithe shqiptareve te deklarojne me krenari origjinen e tyre si e vetmja menyre per te ruajtur dinjitetin kombetar teksa shtoi se te gjithe ata qe deklarohen shqiptare i tregojne vendin metuesve te shteteve fqinj. Takimin e mbylli kryetari i PDIU-se zoti Tahir Muhedini i cili theksoi se shqiptaret e Camerise jane ne balle te kesaj beteje pasi jane popullsia qe ka ndjere me se shumti diskriminimin e kombeve te huaja ne kurriz te saj vetem dhe vetem pse nuk reshtnin se deklaruari shqiptare.