Vizita ne Turqi incident me avionin e Presidentit Topi

Presidenti Bamir Topi mberrin me vonese ne Turqi. Shkak eshte bere nje problem ne avionin me te cilin do te udhetonte zoti Topi. Keshtu shkruajne mediet turke lidhur me viziten e kreut te shtetit shqiptar ne Turqi. Informacioni i medieve turke nuk konfirmohet nga Presidenca Shqiptare dhe Aviacioni Civil Shqiptar. Ndersa mediet turke edhe pse nuk japin detaje te shumta lidhur me llojin e problemeve te avionit shtojne se Presidenti turk Abdulla Gyl ka derguar avionin e tij personal per te marre homologun e tij shqiptar. Presidenti Bamir Topi eshte pritur ne Ankara ne mengjes por eshte vonuar per shkak te problemit ne avionin e tij. Avioni i tij nuk ishte ne gjendje te largohej nga Tirana. Pas kesaj Presidenti i Turqise i ka derguar avionin e vet GAP dhe e ka marre nga Tirana per ne aeroportin e Ankarase Esenboga - shkruan media me prestigjioze turke Zaman. Ne te shtohet me tej Zotin Topi e ka pritur ne aeroport ministri i Mbrojtjes se Turqise Ismet Jellmazi. Ne oren 1600 deri ne oren 1745 do te bejne takim zyrtar 2 presidentet dhe delegacionet se bashku dhe ne oren 1745 do te japin nje prononcim per mediet te 2 presidentet. Kurse ne oren 1930 per nder te Presidentit Topi Presidenti turk do te jape nje darke nderi - sqaron me tej Zaman-i. Kreu i shtetit shqiptar ndodhet per nje vizite tri ditore ne Turqi me ftese te homologut turk Abdulla Gyl.