Ceremonia e emertimit te rruges Janos Hunyadi

U organizua sot ceremonia për përurimin e rrugës që do të mbajë emrin e heroit kombëtar të Hungarisë “Janos Hunyadi”. Kështu, një nga rrugët e kryeqytetit do të mbajë këtë emër, veprim i cili do te pasohet me vendosjen  e shtatores së heroit tonë kombëtar, në një nga sheshet kryesore të Budapestit. Në ceremoninë e organizuar me këtë rast, ishin të pranishëm, Kryetari i Bashkisë së Tiranës Lulzim Basha, zv/Kryetari i Bashkisë së Budapestit Miklós Csomós, Ministri i Kulturës Rinisë dhe Sporteve z. Aldo Bumçi, ambasadori i Hungarisë në vendin tonë, historianë e qytetarë të Tiranës. Për Kryetarin e Bashkisë Lulzim Basha, vendosja e emrit të heroit kombëtar të Hungarisë në Tiranë është një moment për të festuar me krenari miqësinë e vjetër mes Shqipërisë dhe Hungarisë dhe sukseset e së ardhmes.  
“Për dy qytetet tona, domethënia e këtij akti përkthehet në një marrëdhënie më të ngushtë, me përfitime të drejtpërdrejta për qytetarët tanë. Ne mund, duhet dhe do mësojmë nga përvojat e Budapestit, këtij qyteti të lashtë, të madh dhe të bukur të Evropës Qendrore, në sfida të përditshme që nga menaxhimi i trafikut, transporti publik, planifikimi urban e shërbime të tjera dhe po kështu presim që investitorët e Budapestit, të jenë më të pranishëm në Tiranë, në të gjithë sektorët e ekonomisë së qytetit tonë, për të siguruar një dinamikë më të madhe të marrëdhënieve ekonomike, që pa dyshim shndërrohet në vlera ekonomike dhe në punësim”  - u shpreh Kreu i Bashkisë së Tiranës z. Lulzim Basha. 
Përveç statujës së Skënderbeut në Budapest, do të emërtohet shumë shpejt në distriktin 12 të Budapestit, sheshi me emrin “Nënë Tereza”.