Cmimet e barnave, te njejta me Italine e Greqine Sonila Isaku
Kompanite farmaceutike ne Shqiperi do te detyrohen nga Komisioni per Cmimin e Barnave qe te ulin cmimet ne rastet kur do te rezultoje se ato jane me te larta se nga vendet ku importohen. Referuar vendimit te djeshem te miratuar nga qeveria, cmimet e barnave ne Shqiperi do te krahasohen me cmimet e barnave ne Greqi, Itali dhe Maqedoni, vende nga te cilat importohen sasite me te medha te barnave. Nderkohe ne rastet kur keto vende nuk tregtojne barin, i cili eshte regjistruar ne vendin tone, do te jete vete kompania farmaceutike ajo qe do te sjelle edhe 3 cmime te vendeve te ndryshme. Nderkohe qe cmimi per Shqiperine do te percaktohet mes nje mesatareje te dy vendeve te marra ne shembull. Keshtu, permes ketij vendimi per menyren e funksionimit te Komisionit te Cmimit te Barnave, qeveria i ka hapur rruge marrjes se informacionit nga tre vendet, ne menyre qe te beje krahasimin dhe rregullimet e nevojshme lidhur me cmimet e barnave ne tregun vendas. "Cmimet 'CIF', te deklaruara ne Shqiperi, do te krahasohen me cmimet e 'CIF' te shteteve referente: Itali, Greqi dhe Maqedoni. Kur mungon informacioni per cmimet 'CIF' nga shtetet referente, krahasimi do te behet me cmimet e shitjes me pakice te barit. Cmimet e shitjes me pakice ne Shqiperi do te krahasohen me cmimet e shitjes me pakice te barit ne shtetet referente", thuhet ne vendimin e qeverise. Nderkohe, persa i perket rasteve kur nje ilac kushton me shtrenjte ne Shqiperi sesa ne vendin nga ku eshte importuar, atehere kompanive farmaceutike do t'u kerkohet ulja e cmimit. Persa i perket procedures se percaktimit te cmimeve, ajo nis nga data 5 shtator e cdo viti dhe deri ne 25 dhjetor, ku Ministria e Shendetesise se bashku me ate te Financave duhet te kete shpallur ne faqen zyrtare te Ministrise se Shendetesise, listen e pergjithshme me cmimet "CIF", pervec barnave qe jane ne proces negocimi. Por ne vendim jane parashikuar edhe ankimimet nga firmat farmaceutike. "Kunder vendimit te Komisionit te Cmimit te Barnave, subjektet kane te drejten e ankimit te ministri i Shendetesise, brenda 10 ditesh nga data e marrjes se vendimit. Kunder vendimit perfundimtar behet ankim ne gjykate, brenda 30 diteve nga data e marrjes se vendimit", thuhet ne rregulloren e Komisionit te Cmimit te Barnave. Ngritja e ketij komisioni ka ardhur si rekomandim i Bankes Boterore, e cila ka kerkuar kryerjen e nje studimi dhe berjen e transparences ne kete treg, ne menyre qe cmimet te jene te peraferta me ato te vendeve te Rajonit dhe te perballohen nga qytetaret.